Сыр бойы

Қызылорда. Қала іргесінде орын тепкен Талсуат ауылында ашылған балаларды оңалту орталығында емделіп жатқан өрендердің денсаулығын жақсартуда оң нәтижелер көрініс беруде. Бұл жайында облыстық денсаулық сақтау басқармасының баспасөз қызметі хабарлады.  

Шиелі. Аудандағы орталық "Оқшы Ата" мешітіне Алла разылығы үшін демеушілерден жиналған қаржы мен азық-түліктер қайырымдылық көмек ретінде беріледі. 

Қызылорда. Үстіміздегі жылдың  24 ақпан-2 наурыз аралығында Қызылорда қаласында жастар арасында Қазақстан чемпионаты өткізіледі. Оған 11 салмақ дәрежесі бойынша еліміздің барлық облыстарынан 200-ге жуық былғары қолғап шеберлері қатысады. 

Кеше Н.Бекежанов атындағы облыстық қазақ музыкалық драма театрында облыс әкімі Қырымбек Көшербаев халық алдындағы есепті кездесуін өткізді.         Кездесуде облыс әкімі өткен жылғы әлеуметтік-экономикалық даму қорытындыларын және үстіміздегі жылы атқарылатын міндеттерді саралап берді. Әр саланың мәселесіне терең мән беріп, өз ойын тиянақты дәлел-дәйектермен жеткізген Қ.Көшербаев өңірдің өзгеше келбеті қалыптасып келе жатқанын айта келіп, Сыр халқын жарқын болашақ үшін жұмыла еңбек етуге шақырды.  

Қазалы. Биыл Қазалы ауданында 3 мектеп, 3 балабақша, 4 дәрігерлік амбулатория, 2 ауылдық клуб, 2 денешынықтыру-сауықтыру кешені салынады. 

Қармақшы. Кеңес әскерлерінің Ауған жерінен шығарылғанына 25 жыл толуына орай Қармақшы ауданындағы орталық стадионда қол күрестен аудан ашық біріншілігі болып өтті. 

Шиелі. Биыл аудандық бюджеттің жалпы кірісі 8 млрд. 991 млн. теңге көлемінде бекітіліп, өткен жылмен салыстырғанда 1 млрд теңгеге жуық артық. 

Қазалы. Ауданда «Өндірістік аймақ» ашу мақсатында тиісті жұмыстар жүргізіле бастады. Бүгінгі таңда аудан орталығы - Әйтеке би кентінен жер телімі белгіленді.