Сыр бойы

Динара Мәлікова 1988 жылы Жалағаш ауданының Мәдениет ауылында дүниеге келген. Халықаралық "Шабыт” фестивалінің лауреаты. Республикалық әдеби конкурстың "Алтын қалам иегері”. Ақын қыздың өлеңдері албырт, шынайы, таза қалпымен ұнамды. Оның «Он сегіздің көктемі», «Тәңір сыйы», «Қиялыма сыя алмаған екенмін», «Гүл қауызындағы хаттар» атты бірнеше жыр жинақтары жарық көріп, ақындардан да, оқырманнан да жақсы бағасын алған. Жерлесіміз қазір Астанада тұрады. Жас талант алдымыздағы 1-ақпан күні облыс орталығында өзінің жеке шығармашылық кешін өткізбек.

Бегім ана көшесінің бойынан мүмкіндігі шектеулі жандарға арналған тағы да бір аула клубы ашылды.

Ұлы Абайдың отыз жетінші қарасөз-ғақлиясындағы: «Дүние – үлкен көл, Замана – соққан жел, Алдыңғы толқын ағалар, Артқы толқын Кезекпенен өлінер, Баяғыдай көрінер», – деп, терең толғануының сырын ойға алғанда әрқашан өткен өмір, зымыран құс – замана керуені көз алдыңда жылжып бара жатқандай көрінеді. Сосын кемеңгер Абай атамыздың қалайша дәл айтқанына әрі қысқа тұжырыммен көп ой білдіргеніне дән риза боласың. Міне, екінші мыңжылдықты тәмамдап, үшінші мыңжылдықты бастағанымызға да он үш жылдан асты, Тәуелсіздігіміздің жиырма екі жылдық мерекесін тойлағалы отырмыз. XX ғасыр өзінің сан алуан оқиғаларымен, өміршең өзгерістерімен, солардың бел ортасында жүріп, өнегелі іздер қалдырған өрелі өрендерімен, ел жадындағы асыл азаматтарымен есімізде мәңгі қалды.

«Түркістан газетінің 2013 жылғы 7 қараша күнгі санында журналист Көлбай Адырбекұлының «Ерлік пен әділдіктің символы» атты мақаласы жарық көрді. Мақала авторы жазушы Мамытбек Қалдыбайдың «Мен – халқымның Бауыржанымын» атты жаңа туындысы оқырмандар қолына тигенін айтып, сол кітаптан бірнеше үзінді келтіріп, қазақтың біртуар ұлының бұрын оқырман қауымға беймәлім жаңа қырларын ашқан.

ШАЛҒАЙДАҒЫ  ЖАҢА МЕКТЕП Әркімге өзі он бір жыл  білім алып, өмірге қанат қақтырған алтын ұясы ыстық көрінеді. Арал ауданындағы №75 Қарашалаң орта мектебі талай жастың өмірден өз орнын табуына лайықты жол сілтеген. Ондағы ұлағатты ұстаздардың еңбегі де өлшеусіз.

Қазалы қаласында тартымды шара өткізілді. Білім бөлімі және №16 мектеп ұжымы ұйымдастырған эстафеталық жарысқа жұртшылық көп жиналды.

УКРАИНА: ҚАҚТЫҒЫС ЖАЛҒАСЫП ЖАТЫР Қазір әлем назары Киевке ауып тұр. Оппозиция бастаған шерушілер мен  билік арасындағы қақтығыс жұма күні тіпті шиеленісіп кетті. Бір тәулік ішінде барлық талаптарын орындатпақ болған ереуілшілер жайлы ел Премьер-министрі Николай Азаров «Біз мәселені бейбіт жолмен шешуге мүдделіміз, бірақ бұл олардың қисынсыз талабын орындау деген сөз емес» деген пікір білдірген еді.

Бүгінде әлеуметтік желілер ақпараттық қоғамның алдыңғы шебіне шықты. Әлемдегі және өз еліміздегі жаңалықты жеткізу мен оны талқылауда әлеуметтік желілердің жылдамдығы мен мүмкіндігі дәстүрлі ақпарат құралдарынан әлдеқайда озып кетті. Таяуда ғана мәлім болғандай, желілер рейтингісінде «Facebook» көш бастап тұр. Ақпанда он жылдығын тойлайтын әлеуметтік желіде 1,4 миллиард адам тіркелген. Одан кейінгі орын миллиардтаған қолданушысы бар «YouTube»-ке тиесілі. Ресейлік «В контакте»  де бірінші ондықтан орын алған.

Қызылорда қаласына қарасты Ақсуат ауылдық округі әкімі А.Нұрсейітов халық алдында кезекті есептік кездесуін өткізді. Әкім есебі Елбасының «Қазақстан жолы -2050: Бір мақсат, бір мүдде, бір болашақ» атты Қазақстан халқына жариялаған Жолдауынан бастау алды.