Сыр бойы

   Қазалы. «Жыл басында аудан бюджеті 7 миллиард теңге болып белгіленсе, жыл соңында 10 миллиард теңгеге жетті. Барлық салада өрлеу бар. Көптеген жаңа нысандар халық игілігіне берілді. Келер жылы да атқарылар шаруалар ауқымды»,-деді аудан әкімі Б.Жаханов жыл қорытындысына арналған жиында.

Бейсенбі күні баспасөз орталығында облыстық телекоммуникация дирекциясы жылды қорытындылады. Шараға облыс әкімінің орынбасары Нұржан Әлібаев, «НұрОтан» ХДП облыстық филиалы төрағасының бірінші орынбасары Өлмесхан Болатбеков қатысты.

Жылдағы дәстүрге сай Жаңа жыл мерекесі қарсаңында Астанадағы Тәуелсіздік сарайында ҚР Президентінің «Алтын сапа» және «Парыз-2013» сыйлығының жеңімпаздарын марапаттауға арналған салтанатты жиын өтті.  Үш жүзден астам кәсіпорынның өкілдері қатысқан конкурста қызылордалық «Жанрос Дриллинг» компаниясы «Ең жүздік әлеуметтік жауапкершілікті кәсіпорын» номинациясының иегері атанып, қола жүлдені жеңіп алды.  

Туляремия – жәндіктер тарататын жұқпалы індет. Бұл кеселдің өзіне тән арнаулы қоздырғышы бар. Оны «тулярензе» дейді. Тулярензе – өте майда, ол дененің терісі, танау, ауыз және тыныс жолдарының шырышты қабықтары арқылы да өте алады.

Өңірдегі орта және шағын бизнес саласын дамытуда биыл бірқатар шаралар ұйымдастырылды. Кәсіпкерлер форумының өткізілуі, оларға қызмет көрсету орталығының ашылуы, облыстық кәсіпкерлік басқармасының құрылуы және облыс әкімі жанында жұмыс жасайтын кеңестің өзі сөзімізге дәлел бола алады. Осының нәтижесінде орта және шағын бизнестің «Жол картасы» қабылданды. Облыстағы осындай игі істерден хабардар еткен облыс әкімі Қырымбек Көшербаев кәсіпкерлермен кездесуінде алдағы уақытта да бұл салаға деген қолдаудың арта түсетінін тілге тиек етті.

Осы жылдың 23 желтоқсанында «ҚазАгроҚаржы» АҚ несиелеу комитеті «Жалағаш элеваторын жаңғырту және Қызылорда облысында күріш кластерін дамыту» инвестициялық жобасын мақұлдады.

2013 жылдың 11 айында облыста өнеркәсіп өнімінің көлемі 1,2 трлн. теңгені құрады.  Өңдеу өнеркәсібінің көлемі аталған кезеңде 58,1 млрд. теңгені құрап, 2012 жылдың тиісті кезеңімен салыстырғанда 116,9 пайызды құрады. Yстіміздегі жылдың 9 айында бір адамға шаққанда  өңдеу өнеркәсібіндегі еңбек өнімділігі 9,5 АҚШ долларын құрап, 2012 жылдың тиісті кезеңімен салыстырғанда оның өсу қарқыны 180,5 пайыз болды.

Биыл Сырдың бас қаласы – Қызылордаға 195 жыл толды. Осы екі ғасырға жуық тарихы бар қаламыздың тамыры тереңде жатқаны белгілі. Бірақ бізге туған өлке тарихы кешегі жетпіс жылғы кеңестік кезеңде шынайы оқытылмады. Қазір тәуелсіз елміз. Мені көптен бері мазалап жүрген өзіміз ғұмыр кешіп жатқан Шанхай, Шымбай атауларының шығу тарихы тереңдеп айтылмауы және қаламызда сырын бүгіп жатқан тарихи орындарымыздың бар екенін ойландырмай қалмады. 

2010 жылдың ақпан айының 19-шы жұлдызы. Алматының әсем таңын асыға күтудеміз. Бүгін жолдасым Бота екеуміз үшін есте қалатын сәттердің бірі,  себебі бұл күн бізге Әбе аға деп құрметтеп өткен қазақ әдебиетінің көрнекті өкілі, классигі Әбдіжәміл Нұрпейісовпен кездесудің сәтін салды.

Өткен аптада Қызылорда ОІІД Есірткі бизнесіне қарсы күрес басқармасы қызметкерлері жастар мен жасөспірімдер арасындағы нашақорлықтың және есірткі бизнесіне қарсы күрестің алдын алу мақсатында  «Біз есірткісіз өмірді қалаймыз!» ұранымен облыстың барлық оқу орындары арасында командалық би сайысын өткізді.