Сыр бойы

 Жалағаш. Аудан орталығы жанынан АГРС автономиялы газ тарату орталығының құрылысы басталып кетті. Оның құрылысы үстіміздегі жылы аяқталады деп күтілуде.

 Қазалы. Бекарыстан би ауылындағы ауылдық мәдениет үйінде республикалық «Қамқорлық» акциясы аясында «Жақсылық жасауға асығайық!» атты тақырыппен қайырымдылық концерті болып өтті. Оны ауылдағы №24 орта мектептің «Білім бастауы» жастар ұйымы ұйымдастырды.

 Қармақшы. Ауданда жеке кәсіпкер Т.Танабаев "Бизнестің жол картасы-2020" бағдарламасы аясында несие алып, шағын наубайханасының шаруасын дөңгелетіп отыр. 

 Жаңақорған. Ауданындағы СКЗ-U күкіртқышқылы зауыты қызметкерлері арасында Елбасы Н.Ә.Назарбаевтың «Қазақстан жолы 2050: Бір мақсат, бір мүдде, бір болашақ» атты Жолдауынан туындайтын басым бағыттар мен міндеттер насихатталды. 

 Қармақшы. Былтырғы жылы облыс әкімі Қ.Көшербаевтың бастамасымен Ресей Федерациясының "Лукойл" компаниясының ауылда тұрғындардың кәсіпкерлікпен айналысуына қолдау көрсету мақсатында өз бағдарламасын қолға алған еді. Қазірдің өзінде ол өз тиімділігін дәлелдей бастады.  

 Шиелі. Ауданда ауыл шаруашылығы малдарын компьютерлік дерек қорына енгізу 99,7 пайызға орындалыл, Шиелі ауданы облыс бойынша үшінші орынға тұрақтаған. 

 Арал. Арал ауданында денсаулық сақтау саласы бойынша 2012 жылмен салыстырғанда 2013 жылы 1 жасқа дейінгі балалар өлімі 5 бірлікке, жалпы өлім - жітім 90 бірлікке азайған. Бұл жайында аудан әкімдігі баспасөз қызметі хабарлады.   Былтыр ана өлімі болмаған. Өкпе ауруларымен алғашқы рет ауырғандар саны 7 адамға азайып, жүрек қан тамырлары ауруларынан қайтыс болғандар саны 103 адамға кеміген. 

 Шиелі ауданы, Бестам ауылының тұрғыны Зағипа Қарқынбаева песпубликалық «Жұлдыздар отбасы» журналына жазылды. Журнал ұйымдастырған ойынға қатысып, бір жылқы ұтып алды.

 Арал. Бүгін, 30 қаңтарда Арал ауданына қарасты Қарақұм елді мекенінде дәрігерлік амбулатория ашылды.  Жалпы Қарақұм ауылдық ауруханасының құрылысы 1961 жылы қаланған екен. 50 жылдан астам уақыт ауыл тұрғындары ескі, салқын ауруханада денсаулықтарын қаратып, тозығы жеткен медициналық құралдарды пайдаланып келді. Ел игілігіне берілген дәрігерлік көмек көрсету орталығы, медицинаның барлық құрылғыларымен жабдықталып, бір мезгілде 50 науқасты қабылдауға жағдай туды. Өткен жылы ауылда 600 орындық мектеп пайдалануға берілді.

 «Қазгидромет» республикалық мемлекеттік кәсіпорны Қызылорда гидрометеорология орталығы хабарлауынша, 2014 жылдың 31-қаңтар-2 ақпан күндері   Қызылорда облысы бойынша түнгі ауа температурасы 28-33 градусқа дейін төмендеп, аяз болады деп күтілуде.