Сыр бойы

Үстіміздегі жылдың 11-20 ақпан аралығында Катардың Доха қаласында өткен стенд атудан халықаралық турнирде жерлесіміз Айжан Досамағанбетова үздіктер қатарынан көрініп, «траптан» жеңімпаз атанды. Бұл туралы облыстық дене шынықтыру және спорт басқармасының баспасөз қызметі хабарлады.

Қазақстан халқы Ассамблеясының 20 жылдығына орай аудан жастары түрлі ұлт өкілдерімен кездесті, деп хабарлады Қазалы аудандық әкімдігінің баспасөз қызметінен.

Кеше Қызылорда облысында Жеңістің 70 жылдығына орай Жеңіс акциясы аясында соғыс ардагерлеріне «Өмір жолы» жобасы аясында ұялы телефондар табыс етілді. Республикалық ардагерлер ұйымы мен Самұрық – Қазына қоры қолдауымен ұйымдастырылып отырған жобаның мақсаты соғыс ардагерлеріне жедел көмек көрсету. Жанында ешкім болмай көмекке зәру кезінде ұялы телефон құрылғысында дабыл нүктесін басып, кез келген уақытта оператор арқылы көмек сұрай алады. Ардагерлер денсаулығы сыр берген жағдайда, не қауіп төнген уақытта бірден дабыл нүктесін басса болғаны қажетті көмек дер кезінде көрсетіледі.

Мемлекет басшысының халық тұтынатын әлеуметтік маңызы бар азық-түлік бағаларын тұрақтандыру жөніндегі тапсырмасына сәйкес Қазалы ауданы әкімдігі тарапынан нақты шаралар қолға алынуда.

Қазалы қаласында Ұлы Жеңістің 70 жылдығына арналған Ұлы Отан соғысының ардагері, қарт жауынгер Қалеп Бектұрған мен Кеңес әскерлерінің Ауғанстан жерінен шығарылғанына 26 жыл толуына орай «Ерлігі ұрпаққа өнеге» атты ардагерлерімен кездесу өтті.

Белгілі әнші Алмас Кішкенбаев Астана қаласына қоныс аударды. Ол бүгінгі күндерге дейін Алматыда тұратын еді.

Мемлекет басшысы Н.Назарбаевтың халыққа арнаған «Нұрлы жол –Болашаққа бастар жол» атты Жолдауынан туындайтын міндеттердің бірі - ел экономикасының тұрақты өсуін қалыптастыру, халықты жұмыспен қамтып бар жұмыс орындарын сақтап қалу және жаңа өндіріс орындарын ашу болып табылады.

Алматы облысы, Талдықорған қаласында еркін күрестен ересектер арасында өткен ел чемпионатында еркін күрестен қызылорладық спортшы Дәулет Ниязбеков 61 келі салмақ дәрежесінде алтын медальға ие болды.

Елiмiздегi  аграрлық секторға көрсетілген мемлекеттік қолдау көлемі айтарлықтай өсті. Өткен жылы аталған саланы қолдауға жергілікті бюджеттен 8,0 млрд.теңге бөлініп, 2013 жылмен салыстырғанда 47 % артқан. Сондай-ақ, 2014 жылы барлық ауыл шаруашылығы дақылдарының егіс көлемі 158,4 мың гектарды құрады.  Осы жане өзге де мәселелер бүгін «Сыр медиа» ЖШС жанындағы облыстық коммуникациялар орталығында  Қызылорда облыстық ауылшаруашылығы басқармасының БАҚ өкілдерімен өткен брифингте белгілі болды. Баспасөз отырысында аталмыш басқарма 2014 жылы атқарылған жұмыстарды қорытындылап осы жылдың мақсаттары мен міндеттерін айқындап берді.     «Өткен жылы ауыл шаруашылығы дақылдарына күтіп-баптау жұмыстары агротехникалық талаптарға сәйкес жүргізіліп, уақытылы жинап алуға қол жеткізілді. Бастапқы салмақта 371 мың тонна дәнді дақылдар жиналып  2013 жылмен салыстырғанда 32,7 мың тоннаға артты», - дейді басқарма басшысының міндетін атқарушы Талғат Бекішев.