Сыр бойы

Қызылорда облысының әкімі Қырымбек Көшербаевтың өкімімен облыстық жұмыспен қамтуды үйлестіру және әлеуметтік бағдарламалар басқармасының басшысы болып Аманжол Алдажаров тағайындалды. 

Бұл туралы Қызылорда облысының әкімі Қырымбек Көшербаев облыс активінің отырысында баяндады. 

Жергілікті мемлекеттік басқару және өзін-өзі басқару саласында ауылдық округ, кент, ауыл әкімдерінің кәсіби және тұлғалық құзыреттілігін арттыру, олардың жұмыстарының негізгі бағыттарын түсіндіру, өңірлік деңгейде билік қатынастарын жүзеге асырудағы өркениетті даму жолының жаңа бағыттарын айқындау мақсатында семинар өтті.

Өзбекстан президентінің міндетін атқарушы Шавкат Мирзиёев 4 желтоқсанда өткен президент сайлауының нәтижесі бойынша жеңіске жетті, деп хабарлайды BNews.kz.

2016 жылдың 22 желтоқсанында EchoStar 21 («ЭкоСтар-21») ғарыш байланыс құрылғысын ұшыру үшін «Бриз-М» үдеткіші мен «Протон-М» тасығыш зымыраны (ТЗ) ұшырылады. 2016 жылдың 27 қарашасы күні ғарыш айлағының 92А-50 алаңына үдеткіші бар тасығыш зымыраны жіберілген болатын. Жөндеу-сынау ғимаратында тасығыш зымыранды құрастыру жұмыстары, үдеткішті тексеру мен басқа да жоспарлық технологиялық операциялар жүргізіледі, деп хабарлайды "Түркістан" газетінің сайты Ресейдің ғарыш компаниясының баспасөз қызметіне сілтеме жасап.

Қазақстан Республикасы Тәуелсіздігінің 25 жылдығы мерекесі құрметіне орай «Тәуелсіз Қазақстан» пойызы 2016 жылғы 2 қарашада Қарағанды қаласынан  жолға шықты. Қазақстан халқы Ассамблеясының ұйымдастыруымен өтетін республикалық акция мақсаты - ел Тәуелсіздігі жылдарындағы  республиканың қол жеткізген жетістіктерін насихаттау, халықтың бірлігін нығайту, жұртшылықтың әлеуметтік және құқықтық жағдайларына назар аудару, ел дамуының базалық басымдықтарын көрсету болып табылады. Сыр еліндегі сапарда «Нұр Отан» партиясының облыстық филиалының мәжіліс залында құқық қорғау органдарының өкілдерімен  қоғамдық қабылдау ұйымдастырылды. Бұл туралы ҚазАқпарат тілшісі хабарлады.

Алматыда ел Тәуелсіздігінің 25 жылдығына арналған «Алтын домбыра» республикалық ақындар айтысы аяқталды, деп хабарлайды ҚазАқпарат тілшісі. Республика сарайында өткен дәстүрлі жыр додасында «Алтын домбыраны» қызылордалық Мұхтар Ниязов жеңіп алды. Ниязовқа «Алтын домбыра» мүсінімен қатар, 3 миллион теңге сыйақы берілді.

А.Тоқмағанбетов атындағы мәдениет үйінде Тәуелсіздіктің 25 жылдығына орай және Халықаралық мүгедектер күні шеңберінде «Бәріміз бірдейміз – кемсітуді білмейміз» атты облыстық конкурс жеңімпаздарының қатысуымен «Армансыз күнім болмайды» салтанатты шарасы болып өтті. Оған облыс әкімінің орынбасары Қуанышбек Ысқақов қатысты.

Кеше облыстық жұмыспен қамтуды үйлестіру және әлеуметтік бағдарламалар басқармасына қарасты «№1 Қызылорда арнаулы әлеуметтік қызметтер көрсету орталығы» КММ-де «Елімнің бақытын тербеткен тәуелсіздік» атты қайырымдылық акциясы өтті. Оған облыс әкімінің орынбасары Қуанышбек Ысқақов қатысты.

Келер жылы Сырдария ауданындағы Асқар Тоқмағамбетов ауылында күн көзінен электр қуатын шығаратын станса салынатын болады. Үлгілі ауданның іргелі жұмыстарын Сырдария ауданының әкімі Ғанибек Қазантаев Өңірлік коммуникациялар қызметінде баяндады.