Сыр бойы

«ПетроҚазақстан» спорт кешенінде тұңғыш рет спорттық биден «Весенние ритмы - 2017» атты ашық турнир өтті. Аталмыш шараға Ташкент, Байқоңыр, Ақөбе, Шымкент және Қызылорда қалаларынан 400-ден астам қатысушы жиналды, деп хабарлайды,-деп хабарлады ҚазАқпарат тілшісі облыстық Азаматтық Альянсы қауымдастығына сілтеме жасап.

Облыстық білім басқармасының ұйымдастыруымен балалардың әлеуметтік жобалар байқауы Қызылорда қаласындағы дарынды балаларға арналған облыстық «Білім-инновация» лицей – интернатында «Болашақ энергиясы» тақырыбында өтті.

Қуатты әскер – тәуелсіз елдің берік қалқаны. Қаһарлы, кез келген шабуылға қауқарлы армия жасақтай алған ел ғана егемендігін мәңгі сақтап қалмақ. Сондықтан болар еліміз өз алдына отау тіккен күннен бастап қорғаныс саласын нығайтуға барынша көңіл бөлді. Шекараның тыныштығын күзеткен ұландарымыз полигондарда дүркін-дүркін сынақтар жасап, әскери шерулерге қатысып, әскеріміздің қуатын паш етіп келеді. Биыл да Қарулы Күштеріміздің құрылғанына 25 жыл толуына орай Астанада әскери парад өткізілмек. 7 мамырға белгіленген ауқымды патриоттық шара қарсаңында Вaq.kz редакциясы бұған дейін өткен әскери парадтарға шолу жасауды жөн көріпті.

Аспандағы жұлдызға Димаштың есімін берген қытайлық жанкүйерлер қазақ жанкүйерлеріне өкпесін білдірген еді. Олар Димаштың елге оралғанына бір апта өтсе де, әнші туралы жан-жақты жаңалықтар шықпады, қазақстандық жанкүйерлер белсенділік танытпады, Димаштың қайда, не істеп жүргенін білмей хабарсыз қалдық» деп ренжіген болатын.

Қазақстан Премьер-лигасының орта дәрежедегі мүшесі «Қайсардың» маусым басындағы қарқыны көзі қарақты жанкүйерлерге қуаныш сыйлап еді. Алғашқы 3 турда 9 ұпай еншілеп, турнирлік кестеде бірінші орынға шықты. 3 жеңісті кездейсоқ санамаған эксперт мамандар да, журналистер қауымы да «қасқырларды» биылғы жүлдегерлер қатарына қосты. Жанкүйерлер үмітінің қанша дәрежеде асқақтағаны айтпаса да түсінікті.

Қарақұмда емшілігімен талай жанға шапағаты тиген Қарамолда әулие өмір сүрген. Еліміз Тәуелсіздік алғаннан кейін дүниеден озған абыз ақсақалдың қасиетіне алыстағы болгарлық сәуегей Ванга да бас иген. Бұл жөнінде Baq.kz порталы зерттеп көрген еді.

«Бірлігі бекем ел озады». Осынау қағиданы тұтынған қазалылықтар Бірлік күнін  ұйымщылдықпен атап өтті.  Аталмыш мереке аясында аудан тұрғындары түрлі ұлт өкілдері ұйымдастырған концерттік шараны тамашалап, көптеген игі істерге куә болды. 

Басықара ауылдық округі әкімі аппараты мен №182 мектептің және «Жас Орда» жастар қоғамдық бірлестігінің ұйымдастыруымен Қарлыға Әжімұратқызының 70 жылдығына орай есімін есте қалдыру, кейінгі  ұрпаққа өнегелі істерін үлгі ету мақсатында мектеп жасындағы қыздар арасында үстел теннисінен облыстық турнир өткізілді. 

Биылғы жылы Қазалыда бау-бақша өнімдерін егуді  жандандыру басты назарға алынған  болатын. Әрі игі бастама нәтижесіз де емес. Қазіргі таңда қала, кент, ауылдық округтерде бау-бақша, көкөніс өнімдерімен айналысатын кооперативтер құрылып, оларға жерді қоршау, өңдеу, аяқ су жеткізу тәрізді маңызды шараларға  қолдау  көрсетілуде. Бұл бағытта өнімді егуден бастап тұтынушыға жеткізуге дейінгі аралықтағы барлық жұмыстар үйлестірілуде.

Қазгидромет 2017 жылғы мамырға ауа райы болжамын жариялады, деп хабарлады «ҚазАқпарат» ХАА.