Сыр бойы

Жуырда Тереңөзек кентіне қарасты жаңа қоныстану аумағынан «Еңбек Қызыл Ту», екі мәрте «Құрмет белгісі» орденінің иегері Елтай Байназарұлы Тыныштықбаев есімі көшеге берілді. Шараға облыстық мәслихат хатшысы Н.Байқадамов, облыстық ардагерлер кеңесінің төрағасы С.Шаухаманов, еңбек ардагерлері мен аудан тұрғындары қатысты.

Түркістан қаласында волейболдан Қазақстан Республикасының  26-шы чемпионатының екінші айналымы өтті. Жарысқа «Жетісу - Жастар» (Алматы облысы), «Динамо-Қазығұрт» (ОҚО), «Жайық» (Орал қ.), «Ақтөбе» (Ақтөбе қ.), «Динамо-Қостанай» (Қостанай қ.) және «Қайсар» (Қызылорда облысы) командалары қатысты. Айтулы ойында жерлестеріміз «Қайсар» командасы 2-орынды иеленді.  Бірінші орынды – «Ақтөбе», үшінші орынды - «Динамо-Қазығұрт»  командалары еншіледі.

Тәуелсіздік мерекесі қарсаңында облыс орталығындағы «Аль-Асад» сауда үйінің қабырғасына Алаш қозғалысының қайраткері, ұлт күрескері Мұстафа Шоқай құрметіне ескерткіш тақта орнатылды.

Жаңа жылдық мереке жақындаған сайын пиротехникалық бұйымдар көбейе түсуде. Бұл күндері сату орындарында әр түрлі от шашулардан, бенгаль оттары және шырша шартылдақтарынан көз тұнады. Бірақ кейбір  көзқызығарлық ойыншықтардың салдарынан қоршаған ортаға зиянды әсер етіп, қайғылы жағдайлардың орын алып жататыны да белгілі.

Аудан орталығы Әйтеке би кенті көшелерін абаттандыру жұмыстарына байланысты жаңа жоспарлар әзірленуде.

Қазалы ауданында тіркелмей кәсіпкерлік қызметпен айналысушыларды анықтау бағытында тиісті жұмыстар жүргізілуде. Бұл туралы бүгін мемлекеттік кірістер басқармасының басшысы Ф.Қожабергенов аппарат мәжілісінде баяндады.

Аудан әкімінің міндетін атқарушы Әлімжан Жарылқағановтың төрағалығымен әкімдік мәжілісі өтті. Мәжілісте ауданда денсаулық сақтау саласындағы атқарылған жұмыстар мен алдағы міндеттер туралы аудандық орталық ауруханасының бас дәрігерінің орынбасары Б.Әлішева баяндама жасады.

«Нұр Отан» партиясы Сырдария аудандық филиалының мәжіліс залында аудандық партия филиалы актив жиыны өтті. Жиынға облыстық, аудандық мәслихат депуттары, атқарушы билік өкілдері, ардагерлер, бөлім, мекеме басшылары, ауылдық округ әкімдері мен БАҚ өкілдері қатысты.

23 желтоқсанда кей жерлерде жауын-шашынды, 24-25 желтоқсанда басым бөлігінде жауын-шашынды, 26 желтоқсанда түнде кей жерлерде, күндіз басым бөлігінде жауын-шашынды, 27 желтоқсанда түнде кей жерлерде жауын-шашынды, 28 желтоқсанда кей жерлерде аздаған жауын-шашынды. Кей жерлерде тұман, көктайғақ.

Fars ақпарат агенттігінің хабарлауы бойынша, Қазақстанның Дін және азаматтық қоғам министрлігінің Дін істері жөніндегі комитеттің басшысы Еркін Оңғарбаев бұл елде ниқаб және бұрқа кигені үшін 338 доллар көлемінде айыппұл салынатыны жайлы хабарлап: "Бұл шаралардың дінге қатысы жоқ. Оларды жүзеге асыру еліміздің азаматтары қауіпсіздігі үшін қажет.