Сыр бойы

12-13 мамыр күндері Қызылордада І-ші аймақтық жас мемлекеттік қызметшілер слеті өтеді. Шараны ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің облыс бойынша департаменті мен облыс әкімдігі ұйымдастырып отыр. Мақсат – мемлекеттік қызметтің оң имиджін қалыптастыру, жас мамандарды ынталандырып, «100 нақты қадам» Ұлт жоспарында көрсетілген кәсіби мемлекеттік аппарат құруға жұмылдыру.

Өткен сенбіде А.Тоқмағамбетов атындағы мәдениет үйінде 7 мамыр – Отан қорғаушы күні және Ұлы Жеңіс күніне арналған «Ұлы Жеңіс – ұрпаққа аманат» атты мерекелік салтанат өтті. Шараға облыс әкімі Қырымбек Көшербаев қатысып, жиылғандарды құттық¬тады. 

Ұлы Жеңістің 72 жылдығына орай  9 мамыр күні «Тағзым» алаңында облыс әкімі Қ.Көшербаевтың  қатысуымен салтанатты шара болып өтті. Мерекелік шара жылдағы дәстүр бойынша қаланың орталық көшелерімен жүріп өтетін «Жасампаз  жасақ» шеруінен бастау алды. Шеруге қатысушылар Ұлы Отан соғысында, Ауған соғысында қаза тапқан жауынгерлердің рухтарына тағзым етті. «Мәңгілік алау» мемориалына гүл шоқтарын қойып, майдан даласынан оралмаған боздақтарды бір сәт үнсіздікпен еске алды.

Өңірлік коммуникациялар қызметінде облыстық энергетика және тұрғын үй-коммуналдық шаруашылық басқармасының басшысы М.Усаиннің қатысуымен брифинг өтті. Онда басқарма басшысы Елбасы биылғы Жолдауында ел дамуына қарқын беретін жаңа бағдарлама ұсынғанын, бұл бағдарлама экономиканың тұрақты өсуіне серпін беріп, инновацияның мүмкіндігін кеңейтіп, бәсекеге қабілеттілікті арттыра түсетінін атады.

Қашанда біз үшін ауыл - ұлттық құндылықтарымызды сақтаған, берекесі артқан киелі мекен. Оның топырағы да, тауы мен тасы да ыстық болады. Әркімге өз ауылы, туған жері мақтан. «Ауыл» мен үшін қасиетті сөз. Себебі ол- менің аяулы анам, қамқоршым әкем, туған- туысқандарым, аға - тәтелерім, мені білім нәрімен сусындатқан ұстаздарым, және бірге өскен сыныптас достарым дүниеге келген жер. 

Бүгін Елбасы Нұрсұлтан Назарбаев Екінші дүниежүзілік соғысындағы Жеңістің 72 жылдығына орай Астанадағы "Отан қорғаушылар" монументіне гүл шоқтарын қойды, деп хабарлайды ҚазАқпарат.

9 мамыр күні Қызылордада Ұлы Жеңістің 72 жылдығына арналған митинг өтті. Мерекелік шара жыл сайынғы дәстүрге сәйкес Қызылорданың орталық көшелерімен жүріп өтетін «Жасампаз жасақ» шеруімен басталды. Шеруге қатысушылар Ұлы Отан соғысы мен Ауған соғысында қаза тапқандардың, сондай-ақ Отанға оралғаннан кейін дүниеден өткен боздақтардың фото суреттерін алып жүрді. 

Мамырдың 6-7 күндері Қармақшы ауданы орталығындағы денешынықтыру және сауықтыру кешенінде 1941-1945 жылдарғы Ұлы Отан соғысының аяқталғанына 72 жыл, 7 мамыр-Отан қорғаушы күні мерекесіне орай самбодан ҚСРО Батыры Тәйімбет Көмекбаев атындағы ХХІІ халықаралық мемориал өтті.

Құрметті жерлестер! Сіздерді Отан қорғаушылар күнімен және Ұлы Жеңіс күні мерекесімен шын жүректен құттықтаймын! Елбасы Нұрсұлтан Назарбаевтың «Саны жағынан жинақы, ұтқыр, жақсы жабдықталған, әзірлігі жоғары әскер құру керек» деген ұстанымына сәйкес елімізде ұлттық әскердің сапасын арттыруға оң өзгерістер мен тың бетбұрыстар жасалуда. Халқымызда «Ер – елінің қорғаны» деген аталы сөз бар. Біз осындай жандардың ерліктеріне сай сый-құрмет көрсете отырып, олардан өнеге алып өсетін жас ұрпақ Отанына адал қызмет етеді деп сенеміз. 9 мамыр мерекесі  – жанқияр ерліктің, еңселі елдіктің рухы өрлеп, жеңіс жалауы желбіреген күн. Бүгінгі Тәуелсіздік тұғырының берік, еңсеміздің биік болуы да, еліміздің өркендеуі де  батыр бабаларымыздың ұлы ерліктерінің жемісі.  Бүгінгі ұрпақ аға буын ардагерлер танытқан қаһармандық пен қайсарлықтан үлгі алып, бой түзейді. Сондықтан, осынау ерлікке толы күн тарихымыздың мәңгілік ұмытылмас парағы болып қала бермек.

6 мамыр күні Қызылордада А.Тоқмағамбетов атындағы қалалық мәдениет үйінде ҚР Қарулы күштерінің құрылғанына 25 жыл және Ұлы Жеңістің 72 жылдығына орай салтанатты шара өтті. Қызылорда облысының әкімі Қырымбек Көшербаев майданнан оралмаған арыстарымыздың рухына бас иіп, бір минут үнсіздікпен еске алуға шақырып, ардагерлерді мерекелерімен құттықтап, оларға ізгі тілектерін жолдады.