Сыр бойы

Халықаралық коньки тебушілер одағы (ISU) жеке сырғанауда әлемнің үздік мәнерлеп сырғанаушылардың жаңартылған рейтингін жариялады, деп хабарлайды ҚазАқпарат Sports.kz порталына сілтеме жасап.

Өздеріңізге күнбе-күн ақпарат ұсынушы газет сайты жақын арада жаңа кейіпке енбек. Дүние дидары сағат емес, минут емес, секунд сайын түрленген уақытта заман ағымына ілесу шарт. Басылымның электронды нұсқасын қатар алып жүруіміздің мәні осында. Бүгінде тоқсанның төріндегі «Сыр бойы» газеті сайтының контингенті қа­лып­тасып үлгерді. Ондағы хабар-ошарды күніне 1500-2000 ша­масында оқырман іздейді, қарайды, оқиды.

Қазақстан Республикасы Прези­ден­тінің «Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» 2016 жылғы 5 ақпандағы №190 Жарлығына сәйкес, облыс әкімі Қ.Д.Ысқақовтың 2020 жылғы 19 ақпан күні сағат 11.00-де Н.Бекежанов атындағы қазақ музыкалық драма театрында халыққа есеп беру кездесуі өтеді.

Алашқа ана болған Сыр елінің орталығы Қызылорда –  сәулеті мен сәні жарасқан, зәулім ғимараттар мен көз тартар құрылыстары көңілге қуаныш сыйлайтын, заманауи үлгіде дамып келе жатқан қала. Екі ғасырлық тарихын түйіндеп, үшінші жүзжылдыққа қадам басқан шаһардың алдағы уақытта да жасанып, жайнай берері сөзсіз. Мұның айғағына күні кешегі есепті кездесуде жұртшылық тағы бір көз жеткізгендей болды.

  «Қызылордада қобызшылар ансамблі құрылды» деген ақпарат естіген жұртты елең еткізді. Себебі, бұған дейін елімізде арнайы қобызшылар ансамблі болмаған. Түбі бір түркіге ортақ Қорқыт атаның Сыр елінде ғұмыр кешкені, аңыз бойынша «қарағайдың түбінен қайырып, үйеңкінің түбінен үйіріп алып» бұрын болмаған ерекше аспап жасағаны белгілі. «Тыңдасаң сыр, өкініп мұң айтатын» қобызға бір кездері «бақсының аспабы» деген кері көзқарас та таңылған. Жеткілікті көңіл бөлінбеді. Бірақ егемендік алғаннан кейін күй өнерінің дамуына жол ашылып, ел ұлттық құндылыққа қайта ден қоя бастады.2018 жылы Қорқыт ата мұрала­рының ЮНЕСКО-ның материалдық емес мұралар тізіміне енуі данагөйдің күйлері мен аңыздары түркіге ғана емес, адамзатқа ортақ құнды қазына екенін айқындады. Осыдан кейін тұтас елдің, әсіресе Сыр өңірінің Қорқыт ата мұраларын насихаттау жұмыстарын жандандыруы заңдылық. Қобызшылар ансамблін құру жұмысы Қорқыт мұраларын насихаттауға арналған 5 жылдық кешенді іс-шаралар жоспары аясында қолға алынған. Ансамбль облыстық филармония жанынан құ­рыл­ды. Көркемдік жетекшісі – Мәдениет саласының үздігі, қобызшы Салтанат Пұсырманова.

"Fly Arystan" әуе компаниясы 7 ақпаннан бастап Қызылордадан Нұр-Сұлтан мен Алматы қалаларына қатынайтын ұшақ рейстеріне билет сатылымын бастады.

Облыс әкімі Қ.Ысқақов  қала әкімінің халыққа есеп беру  кездесуіне қатысты. Аймақ басшысы облыс орталығында жүргізіліп жатқан жұмыстарға оң баға берді. Мәселен, соңғы жылдары Қызылорда қаласында тұрғын үй құрылысы қарқынды дамып, халықты баспанамен қамту көрсеткіші басқа өңірлермен салыстырғанда көш алда.

Өткен кезеңмен салыстырғанда Арал ауданында қай салада болмасын ілгерлеушілік байқалады.  Әрине, теңіз төскейінде ешқандай шешімін күткен мәселе жоқ десек, артық айтқандық болар  еді. Алайда, нәпахасын теңізден айырған іргелі қауымның ата қонысынан үдере көшкен  жылдары  көрген түстей артта  қалғаны да, тұрғындар көкейіндегі түйткүлді түйіндердің кезең-кезеңімен тарқатылар шағы алда болар үміті де бары жалған емес.  

Бүгін «Арал-Сарыбұлақ» топтық су құбырын пайдаланушы Қазалы филиалының №1 насос стансасынан Әйтеке би кентіндегі жаңадан тұрғын үйлер салынған 2 квартал аймағына ауыз су берілді.

Ертең, 8 ақпан күні ауыр атлетикадан халықаралық турнир басталады. Оған белгілі ауыр атлет, жерлесіміз Илья Ильин қатысады.