Сыр бойы

Олимпиадаға Қазақстанның барлық аймақтарынан 9-11 сыныптың 663 оқушысы жиналған. Білім додасының қорытындысы 29 наурызда белгілі болады.

Жапонияның Сайтама қаласында мәнерлеп сырғанаудан әлем чемпионатында жоғары орын алғандар галабағдарламада өз өнерлерін көрсетті, деп хабарлайды ҚазАқпарат тілшісі.

Қазақстан Республикасының Президенті Қасым-Жомарт Тоқаевтың Жарлығымен Марат Тәжин ҚР Мемлекеттік хатшысы болып тағайындалды, деп хабарлайды Ақорданың баспасөз қызметі. «Марат Мұханбетқазыұлы Тәжин Қазақстан Республикасының Мемлекеттік хатшысы болып тағайындалсын, ол Қазақстан Республикасы Президентінің Әкімшілігі Басшысының бірінші орынбасары қызметінен босатылсын», - делінген құжатта. Марат Мұханбетқазыұлы 1960 жылы дүниеге келген. Социологиялық ғылымдар докторы, профессор, ҚР Әлеуметтік ғылым академиясының академигі, Ресей Әлеуметтік ғылым академиясының академигі, ҚР Саяси ғылым академиясының академигі. ҚР Президенті Әкімшілігі басшысының орынбасары - Талдау және стратегиялық зерттеу орталығының басшысы, Президенттің ұлттық қауіпсіздік жөніндегі көмекшісі - ҚР Қауіпсіздік Кеңесінің хатшысы, ҰҚК төрағасы, Президенті Әкімшілігі басшысының бірінші орынбасары, Президенті Әкімшілігі басшысының бірінші орынбасары - Ішкі саясат басқармасының бастығы, ҚР Сыртқы істер министрі, ҚР Мемлекеттік хатшысы, Қазақстанның Ресейдегі Елшісі қызметтерін атқарған. 1-ші дәрежелі «Барыс», «Құрмет» ордендерімен марапатталған. Дереккөз: inform.kz

Кеше Мәскеудегі Кремль сарайында Димаш Құдайбергеннің бірінші жеке концерті өтті, деп хабарлайды ҚазАқпарат тілшісі. Қазақстан әншісінің үш сағатқа жуық уақытқа созылған жеке концерті өткен сарайда ине шаншар орын болған жоқ. Билеттер сатылымға түскен алғашқы күндерде-ақ өтіп кеткен болатын. Қазіргі уақытта әлеуметтік желіде Димаш концертінің видеосы жүктелген.

Қасым-Жомарт Тоқаев еліміздің астанасын Нұр-Сұлтан қаласы деп қайта атау туралы Жарлыққа қол қойды.

Қазақстан Президенті Қасым-Жомарт Тоқаев Әлем чемпионатында «күміс» еншілеген мәнерлеп сырғанаушы Элизабет Тұрсынбаеваны жеңісімен құттықтады

Наурыз – береке мен тірліктің, теңдіктің, жақсы тілектің, қайта түлеудің тойы. Бір кездері тоталитарлық жүйенің әсерінен бұл мейрамды тойлауға тыйым салынғаны белгілі. Араға 62 жыл салып ел жадында қайта жаңғырды. Жалпыхалықтық мереке болып тойланды. Ал, Сыр халқы 1989 жылдан бастап мейрамдай бастады.

  Жарыққа шыға бастағанына биыл 90 жыл толатын «Сыр бойы» газеті аймақтың хатқа түскен шежіресі іспетті. Облыстың әлеуметтік-экономикалық, рухани өміріндегі арғы-бергі тарих сарғайған парақтарда сайрап тұр. «Сыр еліндегі Наурыз мерекесі жарты ғасырдан астам үзілістен кейін алғаш рет қалай және қашан аталып өтті?» деген сұрағымызға жауапты осыдан 30 жыл бұрынғы тігіндіден таптық. 1989 жылы сәуір айының басында Қызылорда қаласының орталық алаңында Ұлыстың ұлы күні тұңғыш рет тойланды.

Бүгін Жапонияның Сайтама қаласында өтіп жатқан мәнерлеп сырғанаудан Әлем чемпионаты аясында әйелдер арасындағы қысқа бағдарлама бәсекесі аяқталды. Қазақстандық Элизабет Тұрсынбаева алғашқы сыннан соң үшінші орында тұр, деп хабарлайды ҚазАқпарат.

Жаңа әлемдегі жаңа Қазақстанның тарихын түгендегенде Тұңғыш Президент Нұрсұлтан Әбішұлы Назарбаевтың есімін айналып өту мүмкін емес.