Сыр бойы

Облыс әкімі Қырымбек Көшербаевтың төрағалық етуімен суармалы жерлерді дамытуға қатысты селекторлық жиын өтті.

Қызылорда – аумағы жағынан да, халық саны жағынан да қарқынды дамып келе жатқан қала. Қаланың әлеуметтік-экономикалық әлеуеті жаңа нысандар мен аудандардан, тұрғын үйлер мен саябақтардан, көшелерден анық байқалады. Аумақ ұлғайып, тұрғындар тығыз қоныстанған сайын жаңа проблемалардың пайда болуы заңдылық. Оның үстіне «Бәйтерек» шағын ауданынан басқа қаланың шет аймақтары жоспарсыз, ешқандай инфрақұрылымсыз салынған. Жол, жарық, газ, көлік қатынасына қатысты түйткілдер бірте-бірте тарқатылғанмен, уақыт пен қарыштап дамыған технология жаңа мүмкіндіктерді алға тартады.

Мемлекет басшысы Нұрсұлтан Назарбаевқа Тәжікстан Республикасының Төтенше және өкілетті елшісі Хайрулло Ибодзода, Жапонияның Төтенше және өкілетті елшісі Тацухико Касаи, Чех Республикасының Төтенше және өкілетті елшісі Рудольф Гикл, Хорватия Республикасының Төтенше және өкілетті елшісі Рефик Шабанович және Вьетнам Социалистік Республикасының Төтенше және өкілетті елшісі Нгуен Тхи Хонг Оань сенім грамоталарын тапсырды.

Адамзат тарихындағы әділетсіздік пен қиянаттың құқайын бастан кешкен әулетте өмірге келіп, өзінің қанға сіңген қайсарлығымен ғұмыр кешкен ұлағатты ұстаз, Қазақ КСР-нің еңбек сіңірген мұғалімі Зағипа Қарақызы 2019 жылдың 29 қаңтар күні 88 жасында дүниеден өтті. Ол Алаш арысы, Орта Азия мен Қазақстанға ортақ тұлға, түркі жұртының білімі мен мәдениетіне орасан зор үлес қосқан қайраткер Темірбек Қараұлы Жүргеновтің туған қарындасы болатын.  

Бір атаның баласындай, қазақы салт-дәстүрлері бұзылмаған, бірін-бірі қолдап, өмір кешкен шағын ауыл адамдарының сол замандағы тұрмыс-тіршілігі қиыншылықтарын қалай бірге көтеріскені осы кезде аяушылықпен еске оралады. Ал, соғыс басталған кезде дүниеге келіп, соғыстан кейінгі өскен жастардың көрген ауыртпашылығы мен бейнетін айтып жеткізе де, оған ешкімді сендіре де алмайсың. Оны тек сол кезді басынан өткізген адамдар ғана жете сезінеді.

Е.Әуелбеков атындағы дарынды балаларға арналған №4 облыстық мектеп-интернаты базасында республикалық мамандандырылған білім беру ұйымдарына арналған “Құндылыққа бағдар: тәрбие үдерісіндегі инновация” тақырыбындағы оқу-әдістемелік кеңес өткізілді. 

Өткен жылдан бері екінші деңгейлі банктерден несие алғандардың өтемақы шығындарына заңсыз қосылған ақшалар сот арқылы кері қайтарылуда. Жалпы былтыр сотқа банк­тен өтемақы өндіру туралы талап арызбен жүгінгендер саны артыпты. Қалалық соттың төрағасы Мұхтар Еркінбековтің баяндауынша, осындай іс саны 4858-ге жетті, көрсеткіш бұрынғыдан үш есе өскен.

 “Арал ауданында физика, химия және ағылшын тілі мұғалімдері мен дәрігерлердің жетіспеушілігі бар. Осыған сәйкес, Ақтөбе облысы мен аймақтың ЖОО жұмыс жасауда”, – деді өңірлік коммуникациялар қызметінде өткен брифингте аудан әкімі Мұхтар Оразбаев.