Сыр бойы

2019 жыл «Жастар жылы» ретінде жарияланды. Осыған қарап, мемлекеттің қозғаушы күші саналатын жастарға қолдау толастамайтынын аңғаруға болады. Соның ішінде Сыр өңірі мемлекеттік жастар саясатын қаржыландыру бойынша көшбасшылардың қатарында. Арнайы әзірленген «Жол картасында» жастардың жұмысқа орналасу, тұрғын үй, білім беру, бос уақытты тиімді пайдалануға қатысты мәселелерінің шешімі қарастырылған. Бұл туралы облыстық жастар саясаты мәселелері басқармасының басшысы Қуаныш Жанұзақов өңірлік коммуникациялар қызметінде өткен интернет конференцияда мәлімдеді.

Қазақ елін төрткүл дүниеге танытып жүрген мәнерлеп сырғанаушы, халықаралық дәрежедегі спорт шебері Элизабет Тұрсынбаева – ел мақтанышына айналған есім.

 Жаңа жыл қарсаңында облыс әкімі Қырымбек Көшербаев Қарттар үйіне арнайы барды. Қазыналы қарияларды мерекемен құттықтап, жылдың берекелі болғанын атап өтті. Аймақтың дамуы мен өркендеуі жайында сөз қозғады.

 Жұма күні облыс орталығында Қараша көшесіндегі 60 пәтерлі көпқабатты тұрғын үй пайдалануға берілді. Жыл тоғысындағы салтанатта облыс әкімі Қырымбек Көшербаев тұрғындарға пәтер кілтін табыс­тап, өз лебізін білдірді.

 Жаңа жыл қарсаңында облыс әкімі Қырымбек Көшербаев бір топ спортшылармен, халықаралық жарыс жеңімпаздарымен кездесіп, оларға пәтер кілті мен ақшалай сертификаттар табыстады.

Қадірлі қызылордалықтар!Жаңа 2019 жыл баршамызға құтты болсын!2018 жыл аймағымыз үшін барлық салалар бойынша жетіс­тіктерге толы жыл болды. Біздің облыс әлеуметтік саланың дамуы, өңдеу өнеркәсібі мен аграрлық сектордың қарқыны, тұрғын үй құрылысының көлемі мен шағын және орта кәсіпкерлікті дамыту бойынша үздіктер қатарында.

Мемлекет басшысы Нұрсұлтан Назарбаев қайырымдылық кешіне қатысушыларға арнаған сөзінде өтіп бара жатқан жыл бүкіл еліміз үшін жемісті болғанын атап өтті.

РФ Магнитогорск қаласындағы үйдің кіреберісінің опырылуы салдарынан қаза тапқандар саны 37 адамға жетті, деп хабарлайды ТАСС Ресей ТЖМ баспасөз қызметіне сілтеме жасап. 

Биыл «Egemen Qazaqstan» басылымының жарық көргеніне 100 жыл толады, деп хабарлайды ҚазАқпарат.

Жоғары оқу орындарының академиялық және басқару дербестігін кеңейту аясында 2019 жылдан бастап мемлекеттік білім  гранттары білім бағдарламаларының топтары бойынша тағайындалады. Сонымен қатар, мамандарды даярлау бағыттарының жаңа классификаторы енгізіліп отыр, деп хабарлайды ҚазАқпарат.