Сыр бойы

Жаңа жылдық бірлескен кештер мен мерекелік шаралардың ашылуы маусымына шамамен санаулы  уақыт қалды. Жаңа жыл — гирлянда мен отшашулар мерекесі. Сондықтан өрт қауіпсіздігіне тек үйде емес, қоғамдық орындарда да ерекше назарды аудару қажет. Қызылорда облысы ТЖД өрт сөндірушілерінің ерекше бақылауына жаңа жылдық шаралар жоспарланған мектептер мен демалу орындары алынған. Жаңажылдық шырша кезінде оқушыларды қорғау және олардың қауіпсіздігі мақсатында өрт сөндірушілер адамдар көп жиналатын орындарда кезекшілік өткізетін болады.

Елбасымыз Нұрсұлтан Әбішұлы Назарбаев өзінің «Ұлы даланың жеті қыры» атты мақаласында: «Көптеген халықтар өз елінің ерекше елшісі сынды ұлы бабаларының есімдерін мақтан тұтады», - дей келе біздің ұлы тұлғаларымызды тек елімізде ғана емес, әлем танып-білетіндей етіп насихаттауымыз қажеттігін айтып өтеді.

Елбасының «Ұлы даланың жеті қыры» мақаласы тарихшыларға, зиялы қауым өкілдеріне, ұрпақ тәрбиелеп отырған ағарту саласы өкілдеріне ерекше бағдар беріп қанаттандыра түскендей.

«Ұлы даланың жеті қыры» – идеологиялық маңызы зор мақала. Елбасының мақаласын барлық өңірлерде талқылау шаралары жүргізілуде. Осы орайда, Қызылорда облыстық филармониясы ұжымы жалпы жиналыста  сала қызметкерлерінің ой-пікірлерін тыңдап, ұтымды ұсыныстарды бірге талқылады. Жиында Елбасы мақаласында ұлттық  өнеріміз бен мәдениетіміздің өркендеуіне апаратын тың жоспар айқындалып, осы бағытта атқарылуға тиісті шаралар нақтыланғаны айтылды.

Қызылорда облысы Полиция департаментінің Жергілікті полиция қызметі басқармасы табиғатты қорғау полиция бөлімінің қызметкерлерімен жүргізілген рейдтік іс-шаралар барысында Жалағаш ауданы, Жаңадария ауылына қарасты Қазанбай деп аталатын учаскеде «Тоуоta Land Cruiser» маркалы автокөлігін тоқтатып тексеру барысында 2 бас қарақұйрық, 33 бас құм қояны, екі дана 12 калибрлі 1 ұңғылы мылтықтары заттай дәлелдемелер  алынды.

Қызылорданың дамуы – ел дамуының айқын көрсеткіші. БАҚ беттерінде талай жарияланды, бірнеше жыл бұрын Елбасы «Тәуелсіздік жылдарының жетістігін бір ғана Қызылорда облысынан көруге болады» деген еді. Рас, Сырдарияның қос қапталын жағалай қоныстанған облыстың өндірістік, экономикалық әлеуетінің артқаны айқын. Бұдан 6 жыл бұрын, яғни 2012 жылдың қорытындысы бойынша әлеуметтік-экономикалық даму көрсеткіштері жағынан Қызылорда облысы республикадағы 16 аймақтың соңғы жағында болған еді. Ал соңғы бес жылда өңір көшбасшы бес аймақтың қатарына енді. Ал өңірдің орталығы екі ғасырлық тарихи тойын атап өткен Қызылорда қаласы сәулеті мен дәулеті келісті, ұлттың рухани ұйытқысына айналды. Бүгінде қала қақпасынан енген әрбір тұрғын мен мейман шаһардан ерекше шығармашылық еңбек пен дамуды байқайды.

Кеше Қармақшы ауданында тұңғыш рет «2019 жастар жылына» орай «Қармақшы жалынды жастар мекені» атты аудан жастарының балы өткізілді.

Жылдағы дәстүр бойынша Арал ауданы әкімінің бүлдіршіндерге арналған жаңа жылдық шыршасы өтті. Мерекелік шараға 120 балғын қатысты.

"Алтын домбыра" республикалық ақындар айтысында айтысқан Ринат Зайытов пен Мұхтар Ниязовтың атышулы видеосы Youtube желісінде 10 күнде бір млн-нан аса қаралым жинап үлгерген деп хабарлайды NUR.KZ.

Жаңа жыл қарсаңында, 31 желтоқсан күні Qazaqstan ұлттық арнасы «Жарнамасыз жаңа жыл» акциясын бастайды. Яғни, бір күн бойы ұлттық арна эфиріндегі бағдарламалар мүлдем жарнамасыз көрсетілетін болады.