Сыр бойы

Астанадағы шеберлік сағатына қатысу үшін әлемнің бес елінен 100-ден астам жас биші келді. Орталық Азия би фестивалінде олар екі апта бойы АҚШ-тың дүние жүзіне белгілі хореографтарынан тәлім алады. 

Қапияда қаза болған мәнерлеп сырғанаушы Денис Тен музыкамен де айналысатын. Бала кезінде музыкалық мектепте оқыған Денис жаттығудан бос уақытын ән жаздыру студиясында өткізетін. Дарынды спортшы шағын альбомын жарыққа шығаруды да жоспарлаған екен, деп жазады Stan.kz ақпараттық агенттігінің тілшісі.

Бұл туралы Кәсіпкерлер палатасының директоры Ғалымбек Жақсылықов айтты.

Елбасы 2018 жылғы халқына арнаған Жолдауында жаңа өнеркәсіптік революция дәуіріне аяқ басқанын дөп басып атап өтті. Бүгінгі заман талабы халықтың тұрмысын, ой-өрісін, хал-ауқатын дамытуға жағдай жасайтын технологияларды тиімді пайдалану болып отыр. Бұндай алға қадам басушылық дамыған мемлекеттердің қатарына ілігу үшін жасалып отырған жаңа мүмкіндіктер. Бұл әлемнің дамыған 30 елінің қатарына аз уақыттың ішінде кіру үшін тарихи мүмкіндік. Осыған байланысты Елбасымыздың жыл сайын жүйелі түрде жоспарланатын биылғы  жолдауы «Төртінші өнеркәсіптік революция жағдайындағы дамудың жаңа мүмкіндіктері» деп атала отырып,  бүгінгі күнгі өте маңызды, әрі негізгі он саланы санамалай отыра жүйелеп берді. Елбасымыздың жыл сайынғы жолдаулары – Қазақстанды дамытуға бағытталған қозғаушы күштің ең маңызды түрлерінің бірі.

Бұған дейін хабарлағанымыздай, «Сарыарқа» магис­тральды газ құбырының «Қызылорда-Жезқазған-Қарағанды-Теміртау-Астана» бағыты бойынша бірінші кезеңі 2019 жылдың желтоқсан айына дейін аяқталады. Бірінші кезеңнің болжамды құны 267 млрд теңгеден асады. Қарағанды, Ақмола облыс­тары мен Астана қаласының әкімдіктері магистральді газ құбыры мен аймақтық желілер құрылысының мерзімін ескере отырып, инфрақұрылым құрылысы үшін жол картасын әзірлеген. Бірінші кезеңде газ құбыры 171 елді мекенге тартылады, 2,7 миллион адам газбен қамтамасыз етіледі. Елорда тұрғындары үшін ең алдымен газды «Көктал-1,2», «Железнодорожный», «Юго-Восток» аудандарына және 1,2,3 жылу электр стансаларына жеткізу жоспарланған.

Облыс тұрғындары үшін тағы да жағымды жаңалық, Қызылорда қаласынан Өзбекстан астанасы Ташкентке тікелей қатынауға мүмкіндік жасалды. Халықаралық бағыттағы жолаушы тасымалын жетілдіру мақсатындағы «Қызылорда – Ташкент – Қызылорда» тұрақты автобус маршруты екі қала арасындағы барыс-келісті ұлғайтуға сеп болады.

Облыстық ауыл шаруашылығы басқармасының бастамасы бойынша ауылшаруашылық өнім­дерін, тұқымдарды, ауыл шаруа­шылығы техникаларын, тыңайтқыштарды, химиялық заттарды сатып алуға, сатуға немесе айырбастауға және қызметтерді пайдалануға болатын «Агробиржа» интернет-ресурсы құрылған.

Қызылорда қаласында «Елді мекендерді орталықтандырылған ауыз сумен қамтамасыз ету» тақырыбы бойынша республикалық семинар өтті. Семинарда Ауыл шаруашылығы министрлігі Су ресурстары комитетінің төрағасы Ислам Әбішев халықты, оның ішінде ауылдық елді мекендер тұрғындарын орталықтандырылған ауыз сумен қамтамасыз ету мемлекеттің басты міндеттерінің бірі екенін атап өтті. Бұл бағытта соңғы жылдары Қызылорда облысында өте ауқымды жұмыстар атқарылғанын жеткізіп, тәжірибе алмасу мақсатында  республикадағы әріптестердің басын қосып отырғанын айтты. 

Аймақта ақпараттық технологияны дамыту мақсатында облыс әкімдігінің қолдауымен ІТ-парк ашылған болатын. Бүгінде талантты жастар шоғырланған осы паркте түрлі бағдарламалар іске асып, жалпақ жұртқа таныстырылып жатыр. 

Кәсіпкерлікті дамыту бағдарламалары еліміздің барлық өңірлерінде қолдау тауып отырғаны баршаға аян. Қармақшы ауданына қарасты Төретам мен Ақай ауылдарында да өз ісін өркендетем деушілер мемлекет ұсынған жеңілдіктерді тиімді пайдалануда.