Сыр бойы

Облыс орталығында халықаралық гроссмейстер Дәрмен Сәдуақасовтың кубогына арналған ХII республикалық шахмат турнирі жалауын көтерді. Оқушылар арасында өтетін додаға еліміздің барлық өңірлерінен 160-тан аса жас шахматшы мен Ресейдің Сатка қаласының «Вертикаль» шахмат клубының өрендері және Қырғызстаннан өкілдер қатысуда.

Бір аптаға созылатын шахматшылар жарысына байланысты бүгін өңірлік коммуникациялар қызметі брифинг ұйымдастырды.

Кәсіпкерлер палатасының Қазалы аудандық филиалының аудан тұрғындары алдындағы есебі өзге аудандарға қарағанда ерекше басталды.

Тұғырлы тәуелсіздікке қол жеткізген тұстан бері еліміздің шекарасы шегенделіп, қорғаныс қабілеті күшейе түсті. Биылғы жылы қуанышқа толы -  Қазақстан Республикасы  Қарулы Күштерінің 25 жылдық мерейлі мерей тойы атап өтілді. 25 жылда қазақ әскерінің жеткен жетістігі сарапталды.

Мемлекет басшысы өзінің «100 нақты қадам»: Ұлт жоспарында тәуелсіз мемлекетіміздің әр саласында жүргізілетін маңызды реформалар туралы айқындады. Соның бірі сот саласына қатысты. Бүгінде Ұлт жоспарының «Заңның үстемдігін қамтамасыз ету» тармағында көрсетілген міндеттерге қатысты орындалып, заңдық құжаттар қабылданып, бірқатар жұмыстар атқарылды.

Қала тұрғындарына тарту ретінде Сырдария ауданының ауылшаруашылық құрылымдары облыс орталығында ауылшаруашылық өнімдерінің жәрмеңкесін ұйымдастырды.

Қызылордада Жалантөс Бахадүр атындағы спортта дарынды балаларға арналған облыстық мектеп-интернатында түнгі мезгілде өрт-тактикалық жаттығулар өткізілді. Бұл Қызылорда облысының ең үлкен білім беру нысандарының бірі, онда 100-ден астам тәрбиеленушілер жатақханада тұрады. Мектеп-интернат кешенінің құрылымы оқу ғимараты, жатақхана, асхана, көкөніс қоймасы, шаруашылық корпусы мен гараждардан тұрады.

Облыстық дене шынықтыру және спорт басқармасының ұйымдастыруымен  дәстүрлі веложарыс өтті. Сөре дария бойындағы жаңа көпірден басталып, Тәуелсіздік даңғылы арқылы «Сыр Ана» монументінде  мәресіне жетті.

Қазалы ауданында Кеңес Одағының батыры Үрмәш Түктібаевтың 100 жылдығына арналған мерекелік шара өтті. Бір күн бұрын батыр есімімен аталатын ауылда «Ерлік жырын жырлаймыз» атты аудандық жазба ақындар мүшәйрасы, «Мәңгі жас боп жүректерде сақталдың» атты аудандық патриоттық әндер байқауы, мерекелік гала-концерт ұйымдастырылды.

Қызылордада Халық батыры Текей Қарпықұлының  350 жылдығына арналған қазақ күресінен түйе палуандар арасында республикалық ашық турнир өтті. Оған Өзбекстан Республикасынан және Павлодар, Қызылорда облыстарынан 14 палуан қатысты. Нәтижесінде Қызылорда облысының спортшылары жақсы өнер көрсетіп,  жүлдегерлер қатарынан көрінді.