Сыр бойы

Қармақшы ауданы «Ақтөбе и К» жауапкершілігі шектеулі серіктестігінің  егіс алқабында күрішке алғашқы  орақ салу рәсімі және  «Дала күні-2017» атты семинар-кеңес өтіп, агроөнеркәсіп кешені саласының өзекті мәселелері талқыланды.

Тәжікстанның Душанбе қаласында әмбебап жекпе-жектен ерлер мен әйелдер арасында өткен Азия чемпионатында жерлестеріміз табысты өнер көрсетті. Қазақстан құрама командасы 11 медаль иеленіп, жалпыкомандалық есепте бірінші орынды жеңіп алды. Еліміздің спортшылары  7 алтын алса, оның үшеуін жерлестеріміз еншіледі.

Дәстүрлі өнердің дүлдүлі, әйгілі жырау Елмұра Жаңабергенова тағдырлы да тағылымды өмір жолын кешкен жан. Бір мезгілдік сырдың қауызына сыймайтын әңгімені әріден бастасақ, Елмұра  жеті-сегіз жасында-ақ домбыра тартып, ән айтқан. Сөйтіп жүріп қатты ауырыпты. Анасы Қарамолда деген әулиеге қаратып, дем салдырғанда ол кісі «қызыңда аруақ бар» депті. «Аруағын маған көшір, қызым өкіметтің нанын жеп, өнерін ұстасын» дейді сонда анасы Қантай. Қарамолда осы өтінішті орындап қызындағы аруақты анасына көшіріпті. Ал, кішкентай Елмұраға «тұлпардың басы бол, жыраудың алды бол» деп бата беріпті.

Биыл – университет үшін тарихи жыл. Сыр өңіріндегі іргелі білім ордасы, аймағымыздағы білім мен ғылымның, өнердің қарашаңырағына айналған Қорқыт Ата атындағы Қызылорда мемлекеттік университетіне – 80 жыл. Ғасырға таяу уақытта білім ұясынан елге танымал қоғам қайраткерлері, мемлекеттік сыйлықтың лауреаттары, Қазақстанның Еңбек Ері атағының иегері, белгілі ғалымдар мен ұстаздар, даңқты спортшылар қанат қақты. Бүгін оқу ордасы дәстүрлі түрде білім күні мерекесін қарсы алып, 80-шы оқу жылын бастады.

Бүгін еліміз бойынша барлық білім беру мекемелері жаңа оқу жылына қадам басып, Білім күні мерекесін атап өтуде. Осы айтулы күннің құрметіне Қызылорда қаласындағы мектептерде мерекелік шаралар ұйымдастырылуда.

Білім күні аясында Қызылорда қаласы Назарбаев Зияткерлік мектебінде салтанатты шара болып өтті. Ұстаздар, оқушылар және ата-аналар жиналған шарада мектеп басшысы Бақыт Жұматай құттықтау сөз сөйлеп, алдағы оқу жылына сәттілік тіледі.

Тәжікстанның Душанбе қаласында әмбебап жекпе-жектен ерлер мен әйелдер арасында өткен Азия чемпионатында жерлестеріміз табысты өнер көрсетті. Қазақстан құрама командасы 11 медаль иеленіп, жалпыкомандалық есепте бірінші орынды жеңіп алды. Еліміздің спортшылары  7 алтын алса, оның үшеуін жерлестеріміз еншіледі.