Сыр бойы

Аймақта егіс алқаптарын әртараптандыру бағытында қарқынды жұмыстар атқарылып жатыр. Биылғы жылы 179,6 мың гектар жерге ауыл шаруашылығы дақылдары орналастырылды, олардың ішінде күріштің үлесі 89,3 мың гектарды құрайды. «Сырдария өзенінің арнасын реттеу және Арал теңізінің солтүстік бөлігін сақтау» жобасының бірінші кезеңін жүзеге асыру нәтижесінде судың деңгейі 38-ден 42 метрге көтерілді. Теңіз айдыны кеңейіп Арал қаласына 4,5 есеге жақындады. 

Мемлекет басшсы Нұрсұлтан Назарбаев «Қазақстан Республикасы Президентінің бұқаралық ақпарат құралдары саласындағы сыйлықтарын беру, гранттарын тапсыру және Алғысын жариялау туралы» өкімге қол қойды, деп хабарлайды Ақорданың баспасөз қызметі. 

 «Жан жылуы» бағдарламасының Қазақ радиосының тікелей әуе толқынына шыққанына үш ай болды. Осы уақыт аралығында шығармашылық ұжым 30-дан астам адамның мұң-мұқтажын халыққа жеткізді. Олардың әрқайсысына қолында бар қаражатын салып, жылы сөзімен де демеу болатын тұрақты тыңдармандарын қалыптастырды.    

26 маусым – Халықаралық нашақорлыққа қарсы күрес күніне орай Қызылорда облысы Ішкі істер департаменті бастығының бірінші орынбасары полиция полковнигі Ғани Төлебаев есірткіден азат қоғамды қалыптастыру, жастар арасында саламатты және салауатты өмір салтын насихаттау, бүкіләлемдік зұлматқа айналып отырған дерттің кең етек алуының алдын алу бағытындағы шараларға белсенді қатысып, бірлесіп нәтижелі жұмыстар жасағаны үшін «Арылу» қоғамдық қорының Қызылорда облысындағы филиалының директоры Камалов Тимур Раушанбекұлына алғыс білдіріп, Қазақстан Республикасының Ішкі істер министрі полиция генерал-полковнигі Қ.Қасымовтың Грамотасын табыс етті.

 Бүгін Қызылордада облыс әкімі Қырымбек Көшербаевтың қатысуымен «Қанатты қалам» журналистер форумы өтті. Аймақ басшысы республикалық және облыстық бұқаралық ақпарат құралдарының өкілдерін кәсіби мерекелерімен құттықтап, оларға шығармашылық табыстар тіледі.

Облыс әкімінің өкімімен Ергешбаев Мұрат Нәлхожаұлы Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы лауазымына тағайындалды.

«Азаматтарға арналған үкімет» мемлекеттік корпорациясы зейнетақыны қайта есептеді. 1 шілдеден бастап 2,1 миллионнан астам зейнеткер ұлғайтылған зейнетақы алады. Қазақстандықтардың ынтымақты зейнетақы төлемдері жыл басында 9%-ға арттырылғанын ескере отырып, 11%-ға көбейетін болады. Базалық зейнетақы жыл басында 7%- ға арттырылғанын ескере отырып, 13%- ға  өседі.  Бұл тапсырысты Мемлекет басшысы 2017 жылғы қаңтар айында Қазақстан халқына Жолдауында берді.