Сыр бойы

Дәстүрлі түрде биыл ІІІ-ші облыстық малшылар слеті Қаратау етегі Қақпа шатқалында ағымдағы жылдың 13- мамыр күні өтетін болды. Бұл малшы қауымға жасалған құрмет және мұны мал басының артуы деп білген жөн. Себебі жыл сайын төрт түліктің саны көбейіп, өріс өсіп,қора құтқа толып келеді. Оны ауылшаруашылығы басқармасы берген мәліметтен-ақ аңғаруға болады.

Қорқыт Ата атындағы Қызылорда мемлекеттік университетінде Елбасы Н.Ә.Назарбаевтың «Болашаққа бағдар: рухани жаңғыру» мақаласы бойынша университетте атқарылатын іс-шаралар жоспары мен медиа-жоспар жобасы бекітілді. Медиа-жоспарға сәйкес Елбасы мақаласын насихаттау, түсіндіру мақсатында университет ректоры, техника ғылымдарының докторы, профессор Қ.А.Бисенов студенттерге «ХХІ ғасырдағы ұлттық сана және жастар» тақырыбында арнайы дәріс оқыды. Саяси-экономикалық жаңғырумен бірге, рухани жаңғыруға бастайтын бағдарламалық мақаланың мәні мен маңызына кеңінен тоқталды. Ондағы бәсекеге қабілеттілік, прагматизм, ұлттық бірегейлікті сақтау, білімнің салтанат құруы, Қазақстанның революциялық емес, эволюциялық дамуы және сананың ашықтығы деп аталатын 6 бағытқа жеке-жеке тоқталып, әрқайсысының ел дамуы жолында ерекше мәнге ие екендігін баяндады. Сондай-ақ ұлттық сананы айқындап, қоғамдық сананы өзгертуге арналған Елбасының бағдарламалық мақаласына дүниетанымдық-идеологиялық мақала деп баға берілді. 

Ескі әңгімелерге есім кете құмартамын. Баяғыда көрші кемпір үйге келіп апаммен әңгіме-дүкен құрады. «Құлағың қалқаймай, далаға бар!» деп мені сыртқа қуады. Ол – әрине, мен тыңдайтын сөз емес екенін біле қоям. Мен тыңдайтын сөз шалдардың аузынан шығатын.

«Социалистік Қазақстан» газетінің редакциясына қолым ілініп қызметке келгенде алғаш танысқан жүзі жылы ағаларымның бірі Жанат Елшібеков болды. Жаңалық, спорт және туризм бөлімін басқарады екен әрі осындағы кәсіподақ комитетінің төрағасы. Пәтер кезегін реттеп отырады. Қалың етіп түптеліп, нөмірленіп, жіппен тігілген журналдың ішіндегі тізімге мені де енгізді. «Құдай қаласа, аздап шыдай тұрсаң, тым болмағанда бір бөлме алып қаларсың. Ауыс-түйіс болып жатады ғой», – деп қоңыр әйнекті көзілдірігінің ар жағынан мейірімді жанарларын маған бұрып, әнтек жымиып қойды.

«Қызылорда Строй Монтаж» БК ЖШС – өңірдегі қаңылтыр шығарумен айналысатын жалғыз кәсіпорын. Негізі қаланған күннен бастап түрлі металл өнімдері және цемент сатумен айналысқан компания уақыт өте өзінің қызмет ауқымын кеңейтті. Өткен жылдан бастап кәсіпорын қаңылтыр шығаруды қолға ала бастады.

Бейсенбіде облыс әкімі Қырымбек Көшербаев «ForteBank» АҚ басқарма төрағасы Мағжан Әуезов бастаған делегациямен кездесіп, екіжақты ынтымақтастық меморандумына қол қойылды.

Кеше облыс әкімі Қырымбек Көшербаев жерлесіміз, ақын Мырзан Кенжебайды қабылдап, 70 жасқа толған мерейлі мерекесімен құттықтады.

Мемлекет басшысы 2016 жылғы 22 желтоқсанда «Қазақстан Республикасының кейбір заңнамалық актілеріне экстремизмге және терроризмге қарсы іс-қимыл мәселелері бойынша өзгерістер мен толықтырулар енгізу туралы» Заңға қол қойып, соның негізінде Әкімшілік құқық бұзушылық туралы кодексіне және «Күзет қызметі туралы» Заңға өзгерістер енгізілген болатын.

Өңірлік коммуникациялар қызметінде Жаңақорған ауданының әкімі Ғалым Әміреев журналистерге арнап брифинг өткізді. Онда аудан әкімі облыс малшыларының үшінші слетіне дайындық жұмыстары жөнінде және ауданға қарасты табиғи қорықтар мен демалыс орындары жайлы, көктемгі дала жұмыстарының атқарылуы жөнінде әңгімеледі.

Мемлекет басшысы «Қазақстанның үшінші жаңғыруы: жаһандық бәсекеге қабілеттілік» атты Жолдауын жаһандық бәсекеге қабілеттілікке қол жеткізуге бағытталған еліміздің Үшінші жаңғыруын іске асыруға кіріскенімізді атап өтті. Оның басты мақсаты – Ұлт жоспарын орындау аясында әлемдегі ең озық 30 елінің қатарына ену болып табылады. Осынау идеологиялық маңызы басым тұғырнамалық мақалаға орай қалалық мәслихат хатшысы Роза Боханованың пікірін білген едік.