Сыр бойы

Мемлекет басшысының Жарлығымен Елжан Біртанов Қазақстан Республикасының Денсаулық сақтау министрі болып тағайындалды. Бұл туралы Ақорданың баспасөз қызметінен хабарланды.

Елбасы Нұрсұлтан Назарбаевтың Жарлығымен   Тамара  Дүйсенова ҚР Еңбек және халықты әлеуметтік қорғау министрі қызметіне тағайындалды, деп хабарлайды Ақорданың баспасөз қызметі.

Қазақстан Республикасының Президенті Нұрсұлтан Назарбаевтың Жарлығымен Қазақстан Республикасының Денсаулық сақтау және әлеуметтік даму министрлігі Еңбек және халықты әлеуметтік қорғау министрлігі және Денсаулық сақтау министрлігі болып бөлінді. Бұл туралы Ақорданың баспасөз қызметіне сілтеме жасаған «ҚазАқпарат» құжаттың толық мәтінін ұсынады.  

Бейсенбі күні «Нұр Отан» партиясы облыстық филиалы төрағасы, облыс әкімі Қырымбек Көшербаевтың төрағалығымен Саяси кеңес бюросы отырысы өтті. Оған бюро мүшелерімен бірге партияның сайлауалды бағдарламасын жүзеге асыру бағытындағы комиссия жетекшілері, облыстық мәслихаттағы «Нұр Отан» партиясы депутаттық фракциясының мүшелері, партияның аймақтық, аумақтық филиалдары төрағаларының бірінші орынбасарлары, бастауыш партия ұйымдарының басшылары мен «Жас Отан» Жастар қанатының белсенділері қатысты. 

Қоғамдық орындарда кішкентай перзентіне дөрекі сөйлеп, тіпті қол көтеретін адамдарды жиі кездестіруге болады. Араша түскен адамға «менің балам, өзім білемін» деп жауап қайтаратын жас ата-аналарды көріп, іштей қынжыласың. Себебі, баланы ұрып-соғу арқылы тәрбиелеу оның психологиялық және эмоционалды тұрғыда қалыпты дамуын тежейді.  Әйгілі неміс ойшылы Карл Маркс бір сөзінде: «Тәрбиелейтін адам ең алдымен өзі тәрбиелі болуы керек», – дейді. 

Құрметті қазақстандықтар! Сіздердің назарларыңызға еліміз үшін аса маңызды, тағдырлы мәселені ұсынбақпын. Бұл – Конституция мен заңдарға өзгерістер енгізу. Біздің алдымызда билік тармақтарының өкілеттіктерін қайта бөлу міндеті тұр. Қазір заманның дидары өзгерді. Біз де өзгеруге тиіспіз. Сол себепті, мемлекеттің басқару жүйесін де жаңғыртатын кез келді. Мен елдің мүддесі мен заманның талабын, ұрпақтың болашағын ойлай отырып осындай байлам жасадым. Арнайы құрылған жұмыс тобы атқарылған істерді баяндады. Реформа екі негізгі бағыт бойынша іске асады.

Қазір бүкіл әлем түрленіп жатыр. Қазақстан да өзгеруде. Осыдан ширек ғасыр бұрынғы Тәуелсіздігін жариялаған еліміз бен қазіргі Қазақ елін салыстыруға келмейді. Тәуелсіздікке ие болғаннан кейін Қазақстан Республикасында мықты президенттік билік қалыптасты. Тәуелсіздіктің алғашқы жылдарындағы елең-алаң кезеңде билікті бір қолда ұстау керек те болды. Мұны уақыттың өзі талап еткен. Қазір бәрі өзгерді ғой. Еліміздің саяси басқару жүйесі демократиялық бағытта дамып келеді. Қоғамдық ұйымдар, оның ішінде әсіресе, үкіметтік емес ұйымдардың рөлі жоғарылап, белсенділігі күшейе түсті. Осының өзі демократиялық қоғамның сипаттарын көрсетеді.

Елбасының билік тармақтары арасында өкілеттіліктерді қайта бөлу мәселелері жөніндегі Үндеуі тарихи шешім. Саяси құжаттың мәні – Президент өзінің бірқатар өкілеттігін Парламент пен Үкіметке береді. Бұл құжатта еліміз үшін аса маңызды тағдырлы мәселе ұсынылып отыр. Онда заман ағымына байланысты билік тармақтарының өкілеттіліктерін қайта бөлу міндеті тұрғанын, сол себепті де мемлекеттік басқару жүйесін жаңғырту керек екенін атап өтті. Осы мәселе туралы арнайы құрылған жұмыс тобы атқарған істерді бағамдай келе осындай шешім жасап отыр.

Тәуелсіздігімізді нығайтып, мемлекетімізді мығымдаудың жаңа кезеңі күтіп тұр. Сондықтан да, Мемлекет басшысы бес институционалдық реформаны жария еткені бәрімізге белгілі. Бұл кезеңде билік тармақтарының атқарар міндеттеріне өзгеріс енгізу қажеттілігін өмірдің өзі алға тартуда. Өйткені, биліктің басты міндеті – қоғам, мемлекет пен жеке адамның мүдделерінің тепе-теңдігін қамтамасыз ету болып табылады.

Кеше Елбасы Н.Назарбаев халыққа билік тармақтары арасындағы өкілеттіліктерді қайта бөлу мәселелері жөніндегі Үндеуін жария етті. Президент еліміз үшін аса маңызды, тағдырлы мәселе ұсынылып отырғанын атап өтті. «Қазір заманның дидары өзгерді. Біз де өзгеруге тиіспіз. Сол себепті, мемлекеттік басқару жүйесін де жаңғыртатын кез келді. Мен елдің мүддесі мен заманның талабын, ұрпақтың болашағын ойлай отырып, байлам жасадым» деді Елбасы.