Сыр бойы

Жуырда Ә.Тәжібаев атындағы облыстық кітапханада облыстық дін істері басқармасының дін мәселелерін зерттеу орталығының ұйымдастыруымен Ата заң мерекесіне орай "Отбасы институтын нығайтудағы Конституцияның орны және оған діннің көзқарасы” тақырыбында дөңгелек үстел болып өтті. Оған құқық қорғау саласының мамандары, діни бірлестік ұйымдарының өкілдері, мешіттердің найб имамдары мен бірқатар мекеме қызметкерлері қатысты.

Бейсенбі күні Қызылордада ҚР Конституциясы күніне арналған «Мәңгілік ел идеясы – жаңа Қазақстанның тұғырнамасы» атты ғылыми-тәжірибелік конференция өтті. Облыстық ішкі саясат басқармасы, Қорқыт ата атындағы Қызылорда мемлекеттік университеті және «Мәртебелі Қазақстан» қоғамдық қоры ұйымдастырған шараға ғалымдар, жоғары оқу орындарының оқытушылары, студенттер қатысты.

Егемендік алған тәуелсіз Қазақстанның әлемдік өркениетке жетудегі бірден-бір дара жолы – білім жүйесі. Өзінің «Қазақстан-2050» Стратегиясында Ұлт көшбасшысы Нұрсұлтан Назарбаев «Ғасырлар мақсаты – қоғамның нарықтық қарым-қатынасқа көшу кезінде саяси-экономикалық және рухани дағдарыстарды жеңіп шыға алатын, ізгіленген ХХІ ғасырды құрушы, іскер, өмірге икемделген, жан-жақты мәдениетті жеке тұлғаны қалыптастыру», – деп тұжырым жасаған болатын.

Құрметті қызылордалықтар! Қымбатты жерлестер! Баршаңызды еліміздің ұлық мерекесі – Қазақстан Республикасының Конституциясы күнімен шын жүректен құттықтаймын!Азаттықтың алтын арқауына айналған Ата Заң – тәуелсіздікпен біте қайнасқан егіз ұғым. Бұл – халықтың қалауымен, тағдырдың тартуымен келген барлық істің алтын таразысы болатын негізгі Заң.

Кеше Н.Бекежанов атындағы музыкалық-драмалық театрда облыс әкімінің міндетін атқарушы Нұржан Әлібаевтың қатысуымен Қазақстан Республикасының Конституциясы күніне арналған салтанатты жиын өтті. Жиын басталар сәтте сахнаға Мемлекеттік Ту әкелініп, еліміздің Әнұраны шырқалды.

Шығыс Қазақстан облысы Абай ауданында қазақ күресінен ел  кубогы  сарапқа салынды. Топ жарғандар ұлттық құрама сапына алынып, қараша айында Тараз қаласында өтетін Еуразия барысына қатысады. 

Адам өмірінің басты байлығы денсаулықты сақтайтын – дәрігерлер, ал олардың халыққа қызмет жасауына мүмкіндік жасайтын – емханалар. Ауылдағы ағайын тағы бір қуанышқа кенелді. Ақсуат ауылында жаңа емхана ашылып, халыққа адал қызмет жасауға кірісті, деп хабарлайды Қазалы ауданы әкімдігінің баспасөз қазметі.

Үстіміздегі жылдың 29 тамызында Қызылорда облысы Жалағаш ауданында 30 тамыз Қазақстан Республикасы Конститутция күні мерекесіне орай, Жалағаш аудандық Кәсіпкерлер Палатасы және Даму кәсіпкерлікті қолдау орталығы, Кәсіпкерлік, өнеркәсіп және туризм бөлімінің ұйымдастыруымен, "Несібе” техникалық жөндеу орталығының ашылу салтанаты өтті. Ашылу салтанатына жерілікті атқарушы органдарымен аудан кәсіпкерлері қатысты. Аталған орталықта 8 жаңа жұмыс орны құрылды.

Премьер-лиганың 24-туры аясында Шымкентте жергілікті «Ордабасымен» ойнаған Қызылорданың «Қайсары» 1:0 есебімен басым түсіп, турнир кестесінде «Ордабасы» мен «Шахтерді» артқа тастап, екі саты жоғарылады, деп хабарлайды fckaysar.kz.