Сыр бойы

Бүгін жаңа маусым алдында "Қайсарда" қызмет атқаратын мамандар мен ойыншылар жергілікті жанкүйерлерге таныстырылды. Команда алдында міндеттер қойылды. Сол міндеттерді төмендегі мамандар мен ойыншылар орындап шығады деп үміттенеміз.  «Қайсар» командасына жоғары жетістіктер тілейміз. Оған барлық мүмкіндік бар. Команда Түркияда төрт мәрте оқу-жаттығу жиынын өткізіп қайтты. Жаңадан мықты футболшылар шақырылды. «Қайсардың» бас бапкері Дмитрий Огай негізінен жастарға үмір артып отыр. Биыл командада кімдер қызмет атқарады және жасыл алаң төрінде аймақ намысын кімдер қорғайды? Зер салып көріңіз. 

Бүгін Қызылорда қаласындағы Н.Бекежанов атындағы драма театрында «Қайсар» футбол клубының таныстырылым рәсімі өткізілді. Оған жергілікті жанкүйерлер көптеп жиналды.  өтті Ел біріншілігінің басталуына санаулы күн қалды. 

Шиелі. Мереке аясында Шиелі кентіндегі 6 және одан да көп бала туып, тәрбиелеп өсірген 20 анаға мемлекеттік наградалар табыс етілді. 

Қазалы. Ақпан айы - қазалылықтар үшін құтты ай болып тұр. Себебі, өткен жылғы ақпан айында Алпысбаевтар отбасында Айбол, Ербол, Нұрбол есімді үшем дүниеге келген болатын. 

Арал. Аудандағы іргелі кәсіпорынның бірі – «Аралтұз» зауыты 750-ден астам жергілікті тұрғынды тұрақты жұмыспен қамтып отыр. Онда өткен жылы 138 мың тоннаға жуық  тұз өндіріліп,  жақын шетелдерге экспортталды. 

Шиелі. Халықаралық әйелдер күні мерекесіне орай ақ халатты абзал жандар арасында "Көктем аруы" байқауы ұйымдастырылды.

Жаңақорған, Аудан орталығындағы спорт кешенінде таэквондодан аудандық топ аралық іріктеу жарысы өтті.  Жарысқа 13 салмақ дәрежесі бойынша 60 спортшы қатысты. Буындары әлі бекіп үлгермеген жеткіншектеріміз өздерінің бар ұрыс тәсілдерін ортаға салды. Іріктеу барысында сайыстың ең кішкентай спортшысы 7 жасар Аружан Сабырханова өзінің қайсар қыз екендігін көрсете білді. Жарыс соңында бас төреші К.Нақышпанов пен қапталдағы төрешілер С.Құлжабеков, Ш.Акбаровтар жеңімпаз жас таэквондошыларды арнайы дипломдармен марапаттады.