Сыр бойы

Қазалы. Ауданда бүгінгі күні тұрғын үйге мұқтаж 257 адам кезекте тұр. Олардың 229-ы әлеуметтік қолдауды қажет ететіндер болса, 28-і бюджеттік сала қызметкерлері саналады. 

Арал. Аудандық мәдениет үйінде республикаға белгілі айтыскер ақын, жыршы-термеші Бекұзақ Тәңірбергенов туралы жазылған «Жыр-ғұмыр» атты кітабының тұсаукесер кеші өтті. Оны Қазақстан Журналистер Одағының мүшесі, ақын Талғат Тілеулесов жазған. 

 Шиелі. Аудандағы Еңбекші ауылында Ұлы Отан соғысының ардагері, Социалистік Еңбек Ері Байдүйсен Оразов атындағы қазақ күресінен 2000-2001 жылдары өмірге келген жасөспірімдер арасында облыстық турнир болып өтті. 

Жаңақорған. Биылғы жылдың басында Жаңақорған ауданы бойынша 2504 шағын және орта кәсіпкер тіркелген. Соның бірі – аудан орталығындағы Жанат Жәмшитқызының тігін шеберханасы. 

Сыр өңірінің спорт саласындағы серпіліс өзге өңірлердегі жұртшылықты қызықтырып отыр. Туған топырақтан қуат алып, төрткүл дүниенің тарландары тайталасқа түскен тартысты бәсекелерде топ жарған түлектер жылма-жыл көбейіп келеді. Өткен жылы да табыссыз болған жоқпыз. Қандай жарысқа алып барсаң да, сыр бермейтін сырбаз спортшылар үйде отырып тілеуін тілеген ағайынды толайым қуанышқа кенелтті. Сондай-ақ, біздің өңірде жаңа ғимараттар есігі айқара ашылып, жергілікті өрендердің салауатты өмір салтын серік етуіне мүмкіндік туды. 

Елбасы «Қазақстан-2050» Стратегиясы: қалыптасқан мемлекеттің жаңа саяси бағыты» атты Жолдауында, «Біз ұлт денсаулығын жақсарту ісінде едәуір ілгерілеуге қол жеткіздік. Денсаулық сақтау жүйесінің тиімділігін арттыру үшін оны ұйымдастыру, басқару мен қаржыландыру жұмысы реформаланды» деген болатын. Биылғы дәстүрлі тарихи құжатта да әлеуметтік салаға әдеттегідей көңіл бөлінгені белгілі. Соның ішінде, медицина қызметкерлеріне нақты тапсырмалар берілді. Алға қойылған мақсат – әлемнің ең дамыған 30 елінің қатарына ену.

Сыр жұртшылығының әл-ауқатының артып, адам санының артуына  орай уақыт өткен сайын  облыс білім ұйымдарының желісі де өсіп келеді. Бұдан бес жыл бұрын аймақта жалпы орта білім беретін мектеп саны 289 болса, өткен жылы оның қатары екі жаңа мектеппен, Қармақшы ауданы Төретам кентіндегі №269 және облыс орталығындағы Наурыз елді мекеніндегі №268 мектеппен толықты.

Қазақстанда валюта айырбастау бағамын түзету салдарынан импорт үлесі төмендейді, деп хабарлады ҚР Статистика агенттігінің төрағасы Әлихан Смайылов ОКҚ брифингінде.

2013 жылы облыстың әлеуметтік-экономикалық дамуының басымдықтары, мақсаты және міндеттері Қазақстан Республикасының Президенті Н.Ә.Назарбаевтың «Қазақстан - 2050» стратегиясы: қалыптасқан мемлекеттің жаңа саяси бағыты» атты Жолдауына сәйкес айқындалды.