Сыр бойы

 Қармақшы. Аудан орталығы – Жосалы кенті тұрғындарын ауыз сумен қамтамасыз етуде кент аумағында 124 шақырымға созылған ауыз су желісі жұмыс істейді.

 Қармақшы. Аудандағы ІІІ-Интернационал ауылдық округінде көп жылдар бойы жұмыссыз отырған Роза Олжабаева былтыр өз кәсібін ашты. Аудан әкімдігі баспасөз қызметінің хабарлауынша, ол  "Ақниет" бағдарламасы бойынша 400 мың теңге несие алып, "Аяулым" атты шаштараз ашып отыр. Бұндай қолдаулар бір жағынан ауылда жұмыссыздар санын азайтуға септігін тигізсе, екінші жағынан ауыл тұрғындарына көрсетілетін қызмет түрлерін көбейтуде.

Арал. Арал қаласындағы «Балықшылар мұражайы» жергілікті жұртшылықтың етене кәсібі балық шаруашылығының мол мұрасы жинақталған арнайы орын болып табылады. Оған арнайы келіп тамашалаушылар саны артып келеді.

Шиелі. Биыл аудан бойынша 1-2 сынып оқушылары және тұрмысы төмен отбасы балаларын тамақпен қамтамасыз етуге 199 млн. теңгеге ұлғайтылып, ыстық тамақ мәселесі 100 пайызға шешілді.

 Қармақшы. Ауданда "Жұмыспен қамту-2020 жол картасы" бағдарламасының екіні бағыты саналатын "Ауылда кәсіпкерлікті дамыту" аясында 205 азамат шағын несие қаржысын алып, жұмыстарын жүргізуде.

Арал. 1960 жылдардан бастап фото өнерін өзіне серік етіп, бедерлі бейнелерді әрлендірген Сәкебай Жолтумаевтың есімі Арал халқына жақсы таныс. Ол 1992 жылы «Әсем» фотосалонын жеке меншікке алып, ұсақ кәсіпті ұқсата білді. 

Сырдария. Ауданда тоғызқұмалақтан 10-14 жас аралығында ұлдар мен қыздар арасында облыстық біріншілік мәресіне жетті. Жарыс швейцар жүйесі бойынша  9 турдан өтті. Әр ойыншыға классикалық ойында -  1 сағаттан, ал шапшаң ойында - 7 минуттан уақыт берілді. 

 Шиелі. Үстіміздегі жылы аудандағы бірқатар әлеуметтік нысандар құрылысы жөндеуден өткізіледі деп жоспарланып отыр.

 Қазалы. Ауданда өткен жылы ана өлімі тіркелген жоқ. Туу көрсеткіші өсіп, сәбилер өлімі азайды. Бұл жайында аудан әкімдігі баспасөз қызметі мәлім етті.