Сыр бойы

Қытайдың өндірістік секторындағы жағдай нашарлай бастады.  HSBC Holdіngs және Markіt Economіcs мәліметтері осыны дәлелдеп отыр.

Халқымызда ұстазды қадірлеудің, құрмет тұтудың сан жылдан бері қалыптасқан дәстүрі бар.  "Алты Алаштың баласы бас қосқанда, қадірлі орын – мұғалімдікі” деп Мағжан ақын айтқандай, бар ғұмырын ұрпақ санасына сәуле себуге арнаған ұстаз Жақсылық  Жылқышиевты еске алу шаралары Жалағаш ауданының орталығында өтті. Ұстаз еңбек еткен №201 мектепте Жақсылық Жылқышиев атындағы математика кабинеті ашылды. 

Адам өмірінде кіндігі кесілген мекен киелі саналады. «Туған жер – тұғырың» дейді халық даналығы. Оның қадір-қасиеті туралы айтып тауыса алмайсың. Ауыл – әр адамның бесігі, арқасүйері, балалық шақтың мекені. Атамекенге деген махаббат, атамекенге деген сағыныш ауылдан басталса керек. 

Бүгінде көнекөз қариялар мен өз замандас-тұстастарының тауып айтқан ұтырлы сөздерін де жинап жүретіндер баршылық. Ауыл айтқыштарының «Қызыл кітабынан» небір қысқа да нұсқа айтқан әңгімелерін көптеп кездестіруге болады.  Бүгін біз ауыл айтқыштарының бірнеше әңгімелерін оқырмандар назарына ұсынып отырмыз.

Облыс орталығында орын тепкен Жалаңтөс баһадүр атындағы спортта дарынды балаларға арналған мектеп-интернатта балалар мен жасөспірімдер спорт мектептерінің оқушылары арасында бокстан облыс біріншілігі аяқталды. Облыс біріншілігінде Қызылорда, Байқоңыр қалалары мен барлық аудандардан 108 спортшы бақ сынады. 

Қызылорда қаласындағы «Мұз айдыны» спорт кешенінде шайбалы хоккейден бөлімше ашылды. Оған жаңа бапкер тағайындалды. 

«Қазақстан КТК (КВН) Одағы» аймақтағы ең үздік филиал мен премъер лига чемпионын анықтады. Көңілділер мен тапқырлар клубының ойыншылары «Тұңғыш Астана» құрамасы премъер лига чемпионы атанса, аймақтағы бөлімшелер ішінен «Қызылорда КТК» филиалы 2013 жылдың үздігі атанды!

Қызылорда қаласындағы №140 орта мектепте жергілікті ақын-жазушылармен «Сырдың сырлы әлемі» деп аталған әдеби-сазды кездесу кеші өткізілді. Кездесу кешіне белгілі ақын-жазушылар – Әскербек Рахымбекұлы, Дүйсенбек Аяшұлы, Толқын Қабылшаева шақырылды. 

«Әркімге өзінің туған жері Мысыр шаһары» – дейді дана халқымыз. Әлбетте, қандай бір қиын мекенде туып өссе де жүрегінде иманы, кеудесінде оты бар адам осылай айтары хақ! Мысалы, айтыс өнерінің ақтангері, абыз атамыз марқұм Әбілхан Маханов Теңіз-анамыз арнасынан асып, байлығы тасып жатқан кезінде өзінің «Аралым – айдын шалқарым!» атты жыр-толғауында туған жердің табиғи байлығы мен рухани байлығы туралы, оның еңбек ерлері мен дарынды ұл-қыздары туралы мақтана жырлап «Аралым менің осындай, өнер мен дәулет қонған жер» – деп бар әлемге паш еткен жоқ па?!

Жерлесіміз, жас ақын Динара Мәлік есімі өлеңсүйер ортаға жақсы таныс. Жиырма жасында-ақ алғашқы жыр жинағын көпке ұсынып үлгерген ақын қыздың поэзия пернесінен өрілген күй-жыры көңіл тебірентерлік.