Сыр бойы

День выхода газеты

Номер выхода газеты

Аймақ басшысы ғарышты қаладан келген меймандар алдында өңірдің әлеуметтік-экономикалық дамуы жөнінде қысқаша әңгімелеп берді. Соңғы кезеңде Сыр елінде серпінді істер баршылық. Аймақ экономикасына құйылған инвестиция көлемі екі жарым еседей артты. Сондай-ақ, біздің облысымыз еліміз бойынша құрылыс салу жөнінен алдыңғы орында тұр. Облыс өміріндегі маңызды саланың бірі – күріш шаруашылығын дамытуға ерекше мән беріліп отыр. Бұл саланың проблемаларын кешенді түрде шешу үшін арнайы консорциум құрылып, күріш кластерін қалыптастыру жұмыстары жүргізілуде. Осындай игілікті істер балық шаруашылығында да көрініс беріп отыр. 

Қала күні құрметіне арнайы салынған аллеяларды аралаған аймақ басшысы Қырымбек Көшербаев облыс орталығын сәулеттендіру ісіне үлес қосқан құрылысшыларға алғысын жеткізді. Атаулы мерекеге дейін облыс орталығы көзтартарлық кейіпке еніп үлгірді. Мұнда аудан құрылысшыларының да үлесі бар. Аймағымыздағы барлық аудандар биылғы Қала күні мерекесіне лайықты тартумен келіпті. 

Жуырда «Қызылорда облысы Азаматтық Альянсы» қауымдастығы «Еңбек дауларын алдын алу, болдырмау, реттеу» тақырыбында аймақтық семинар өткізді. Мәдениет және ақпарат министрлігінің қолдауымен «Болашақ бүгіннен басталады» республикалық шарасы аясында өткен басқосуға үкіметтік емес ұйымдар басшылары мен мүшелері, кәсіподақ ұйымдары өкілдері шақырылды.

Биыл, міне, Қазақстан почтасының құрылғанына 20 жыл толды. Өзіміз қызмет жасайтын Қазалы аудандық почта байланыс торабының 24 құрлымдық бөлімшесі бар. 2012 жылы аудан тұрғындарына 4 миллиард 285 млн. тенгенің қаржы айналымы игерілді. Оның ішінде 1 миллиард 316 млн. Салық төлемдерімен несие төлемдеріне, 96 миллион теңгеге жалақы төлеу қызметіне, 2 миллиард 544 миллион теңге зейнетақымен жәрдемақы төлеу қызметіне, 41 миллион теңгеге баспасөз басылымына, 288 миллион теңгеге 1464 адамға несие беру қызметі көрсетіліп отыр. 

Облыс әкімшілігінің баспасөз орталығында «Ақмешіт-Сырдария» орталық мешітінің бас имамы Талғат Сейіткәрімұлы бастаған дін қызметкерлері БАҚ өкілдерімен баспасөз мәслихатын өткізді. Онда қазан айының 15-17 күндері болатын қасиетті Құрбан айт мерекесі жайында жан-жақты әңгіме өрбіді. 

Кеше Қызылорда қаласындағы Ғ.Мұратбаев атындағы орталық стадионда Қазақстан футболының негізі қаланғанына – 100, «Қайсар» футбол клубының құрылғанына 45 жыл толуына орай арнайы шара өткізілді. Аталмыш шара барысында «Қайсар» командасы мен Қазақстан құрамасы ардагерлері жолдастық кездесу өткізді. Оны тамашалауға облыс әкімі Қырымбек Көшербаев келді. 

Сейсенбіде ҚР Премьер-министрі Серік Ахметовтің төрағалығымен өткен Үкімет отырысында ауыл шаруашылығы өнімін қайта өңдеуді дамыту мәселесі қаралды. Селекторлық мәжіліске облыс әкімі Қырымбек Көшербаев қатысты.