Сыр бойы

 Арал. Қазіргі таңда «Қамыстыбас-Арал демалыс аймағында» «Саутс Ойл» компаниясы инфрақұрылымдар жүргізу жұмыстарын бастап кетті. Бұл жайында аудан әкімдігі баспасөз қызметі хабарлайды.

 Өткен жылғы желтоқсанда алдыңғы аймен салыстырғанда ауыл шаруашылығы өнімін өткізу бағасының индексі  100,1 пайызды құрады.

 Қазалы. Ауданда шағын және орта кәсіпкерлік дамып келеді. Бұған дәлел аудандағы кәсіпкерлік субъектілері өткен жылмен салыстырғанда 581-ге көбейген. Бұл туралы бүгінгі өткен аппарат мәжілісінде кәсіпкерлік бөлімінің басшысы Әліби Әбиев хабарлады. 

 Қызылорда. Қала әкімдігінде қыс-көктем мезгілдерінде Сырдария өзенімен келетін мол суды қауіпсіз өткізуге дайындық жұмыстары жөнінде мәжіліс өткізілді. Оған тиісті сала мамандары қатысты. Мәжілісті қала әкімінің міндетін атқарушы Мұрат Тлеумбетов жүргізді.

 Қызылорда. Қалаға қарасты Тасбөгет кентінде 2013 жылы 5 көше, 25 аула ішілік жолдар жөндеуден өткізілді.  Бұл жөнінде қалалық ішкі саясат бөлімі ұйымдастырған баспасөз мәслихатында Тасбөгет кентінің әкімі Жұмабек Әлиев хабарлады.  

   Өткен жылдың екінші жартыжылдығындағы өзектендіру нәтижесімен Қазақстанның индустрияландыру картасы аясында облысымызда жалпы құны 151,7 млрд. теңгені құрайтын 24 жоба іске асырылуда. Өткен жылдың екінші жартыжылдығында өткізілген өзектендіру қорытындысымен жобаларды индустрияландыру картасына енгізу көрсеткіші бойынша біздің облыс республикада алғашқы бестікке енді.  Бұл жайында облыс әкімдігі баспасөз қызметі мәлім етті.

   "Қазгидромет" республикалық мемлекеттік кәсіпорны Қызылорда гидрометеорология орталығының хабарлауынша, Қызылорда облысының кей жерлерінде 2014 жылдың 10 қаңтар күні тұман түсіп, 11-13 қаңтар аралығында кей жерлерде желдің жылдамдығы секундына 15-20 метрге дейін күшеюі күтіледі.

   Қызылорда. Былтыр қаладағы кітапханалар қоры 13 мыңнан астам жаңа кітаппен толықты. Қалалық ішкі саясат бөлімі ұйымдастырған баспасөз мәслихатында қалалық мәдениет және тілдерді дамыту бөлімінің басшысы Айдын Қайруллаев осы деректерді мәлімдеді. 

   Қызылорда. Өткен жылы Қызылорда қаласына қарасты ауылдарда екі жаңа клуб пайдалануға беріліп, бір осындай мәдени ошақ күрделі жөндеуден өткізілді. Бұл жөнінде бізге қалалық мәдениет бөлімінің басшысы Айдын Қайруллаев мәлім етті. 

   Қазір Қызылорданың «Қайсары» Түркияда оқу-жаттығу жиынында жүр. Дайындық барысында бірқатар командалармен жолдастық кездесу өткізу жоспарланған. Алғашқы ойында жерлестеріміз аталмыш мемлекеттің Стамбул қаласының намысын қорғап жүрген «Қарагюмрюк» командасымен кездесті. Бұл клуб футболдан Түркия біріншілігінің екінші лигасында сынға түсіп келеді. Олар 38 ойыннан кейін 22 ұпай жинап, турнир кестесінде 18 орында тұр.