Сыр бойы

Шиелі. Ауданда үстіміздегі жылғы сәуір айының 5-10 аралығында бокстан 1998-1999 жылдарда өмірге келген жасөспірімдер арасында Әбдіманап Шорабаевты еске алуға арналаған республикалық турнир өтті.

Арал. Облыс бойынша салық департаментінің бастамасымен облысымызда «Халық пен салық қызметі көлеңкелі экономикаға қарсы!» атты 3 айлық акция бастау алды. 

Жалағаш. Жалағаш. Қызылорда облысының кәсіпкерлер палатасының ұйымдастыруымен аудан орталығында «Кәсіпкерлікті дамыту және кәсіпкерлердің құқықтарын қорғау» және «Жылжымалы экомәдениет» акциялары аясында шараға қатысушы қонақтар аумағы 22 га құрайтын "Серпін" өндірістік аймағында орналасқан жылыжай кешені жұмысымен, "Ақ-селеу" қоғамдық моншасы, "Ақжол" қонақ үйінің жұмыстарымен танысып өтті.

Қызылорда. Үстіміздегі жылдың наурыз айының 27-сі күні түнгі уақытта Қызылорда қаласының тұрғыны азаматша Г.Б. «102» телефонына хабарласып, Қызылорда қаласы орталығында орналасқан кафе ғимаратының ішінде орналасқан букмекерлік кеңседе дилер болып жұмыс жасап тұрғанында беттеріне бетперде киген белгісіз екі азамат кіріп, пышақпен қорқытып, кассадан 60.000 теңге көлемінде ақша және ұялы телефонын алып кеткендігін жеткізген.  

Үстіміздегі жылдың 1 сәуірінен бастап Қызылорда қаласында өнегелі құндылықтарды жаңғыртуға және отбасы мен некенің (ерлі-зайыптылықтың) жағымды үлгісін таратуға, отбасы мәртебесін арттыруға бағытталған «Мерейлі отбасы» ұлттық конкурсының қалалық деңгейдегі бірінші кезеңі басталды.        

Қармақшы. Үстiмiздегi жылдың 27 ақпанында "Қазақстан Республикасында кәсiпкерлiк қызмет үшiн жағдайды жақсарту жөнiндегi түбегейлi шаралар туралы" Қазақстан Республикасы Президентiнiң №757 Жарлығы қабылданғаны белгiлi. Осы Жарлыққа сәйкес, 2014 жылғы 2 сәуiрден бастап 2015 жылғы 1 қаңтарға дейiн шағын және орта кәсiпкерлiк субьектiлерiн тексерулерге мораторий жарияланды. 

Жалағаш ауданы бойынша даму әлеуеті жоғары және орташа басқа да ауылдық елді мекендерді дамыту бойынша аудандық іс-шаралар жоспары бекітілді. 

Сырдария. Биылғы жылдың 15 наурызынан бастап санитарлық қорғау аймақтары мен облыс бойынша елді мекендердегі мал қоралары мен мал басын көктемгі дәрілеу (дизенфекциялау), залалсыздандыру жұмыстары жүргізілуде. 

Шиелі. Өткен жылы Шиелі ауданында жолдарды жөндеуге 398 млн. теңге қаржы қаралып, 43 шақырым болатын кенттегі 16 көше, ауылдық округтердегі 34 көше жолы күрделі жөндеуден өтті. Дегенмен аудандық маңыздағы «Самара-Шымкент-Еңбекші» автомобиль жолының 5 шақырымы 2012 жылдан бастап «Батыс Европа - Батыс Қытай» автомобиль жолының құрылыс жұмыстарының жүргізілуіне орай жүк басылған үлкен көліктердің жүруінен бүгінде тозығы жеткен.

Жаңақорған. Ауданға қарасты Байкенже ауылдық округінде жаңадан «Ерке-Наз» балабақшасы пайдалануға берілді.