Сыр бойы

VII «Байқоңыр инвест» инвестициялық форумының қонақтары түркі халқының абызы Қорқыт атаға арналған ескерткіш кешені. Байқоңыр қаласы және Қамбаш көлі жағасында болды.

Оқу үлгерімі жақсы, әлеуметтік аз қамтылған ауылдық жерлердегі түлектер үшін биыл облыс әкімінің 135 білім гранты тағайындалады. Бұл туралы бүгін аппарат мәжілісінде аймақ басшысы Қырымбек Көшербаев мәлімдеді. 

Қызылорда облысында малшылар слеті биыл екінші рет өткізіліп отыр. Слеттің бірінші күні Жаңақорған ауданында «Мал шаруашылығын датыту» тақырыбында ғылыми-практикалық семинар ұйымдастырылды. Семинарда «Мемлекеттің мал шаруашылығын дамытудағы саясаты», «Ауыл шаруашылығы жануарларының инфекциялық ауруларының алдын алу және емдеу», «Ет бағытындағы МІҚ малын азықтандырудың баланстық жүйесін ендіру» және «Қызылорда облысында қазақтың ақбас сиыры тұқымының өнімдерін жаңа биотехнологиялық тәсілдермен дамыту» сияқты маңызды тақырыптарды мамандар талқылап, пікір алмасты.

Бүгін Қызылорда мен Қарағанды облыстарының әкімдері өңіраралық кооперацияны дамытуға байланысты меморандумға қол қойды. 

Түркіменстанның Ашхабад қаласында самбодан өтіп жатқан Азия чемпионатында жерлестеріміз 2 алтын медал иеленді, деп хабарлады облыстық дене шынықтыру және спорт басқармасының баспасөз қызметінен.

Қызылордада 30 полиция қызметкерінің қатысуымен кезекті психологиялық тренинг өткізілді. Тренинг Қызылорда ОІІД «Динамо» дене шынықтыру-спорт қоғамының кешенінде  департаменттің Кадр жұмысы басқармасының инспектор-психологы полиция капитаны С.Мырзахметованың жетекшілігімен жүргізілді. Тренингтің мақсаты – қызметкерлердің коммуникативтік белсенділігін дамыта отырып, ортақ мақсатқа, ортақ көзқарасқа бірігуге баулу, қызметкерлердің  сенімділігін, мінез-құлық, эмоциялық ерік сфера дағдысын психологиялық тұрғыда қалыптастырып, стресске қарсы тұра білуге дағдыландыру болып табылады.

Бүгін Қызылордада VII «Байқоңыр инвест» инвестициялық форумының пленарлық мәжілісі өтті. Оған әлемнің 12 мемлекетінен және қазақстандық қаржы институттардың өкілдері қатысты.

Форум жұмысы «Қызылорда облысының инвестициялық жобалары» тақырыбында көрмемен басталды. Онда форум қонақтары Сыр өңірінде жүзеге асып жатқан 26 жобамен танысты. Әлемнің 12 мемлекетінен және қазақстандық қаржы институттардың өкілдері Қызылорданың мүмкіндіктерін көрді.

  Қараөзек ауылының тұрғындары бүгінгі күнге дейін аяқ судың қиындығын тартып-ақ келген болатын. Егіс екпек түгілі төрт түлік малына берер су таппай, құдықтан қолмен суарып келді. Енді тұрғындар бұл қиындықтан құтылды. Қала әкімі Нұрлыбек Нәлібаев жеке кәсіпкерлерге өтініш айтып, бұл мәселе түбегейлі шешілді, деп хабарлады «Қоғам» телеарнасы. Қараөзектіктер енді тола аққан аяқ судың арқасында, егін егіп, мал бағып, шарауашылығымызды жандандырамыз деп қуануда.

Тұтастай Қызылорда облысы бойынша 1-тоқсанында 219190,0 мың теңге жарғылық капиталдары және 63 адам қызметкерлері бар 5 сервистік-дайындау орталығы жұмыс атқарған. Бұл туралы облыстық статистика департаментінен хабарлады.