Сыр бойы

«Astana Ballet» театрының Қызылордадағы екікүндік гастролі аншлагпен өтті. Шығармашылық ұжым концерттік бағдарламасын «Ұлы дала мұрасы» деп атап, Астананың 20 жылдығына арнады.

Қала әкімі Н.Нәлібаевтың төрағалығымен өткен аппарат мәжілісінде бірқатар қала кәсіпкерлері марапатталды.

Жуырда Жаңақорған ауданы әкімдігі мен мәдениет және тілдерді дамыту бөлімінің ұйымдастыруымен ауданның мәдениет саласында қырық жылға таяу еңбек еткен мәдениет майталманы Мәдениет Тотаевтың шығармашылығына арналған «Мәдениет-думан» кеші жоғары дәрежеде өткізілді. 

 Қала келбеті тек қана сән-сәулеті келіскен ғимараттармен, жасыл желекті саябақпен өлшенбейді. Күн сайын көркейіп келе жатқан Қызылорданың ажары оның тазалығына тікелей байланысты. Бұл мақсатта атқарылып жатқан жұмыс сан алуан. Қалада көктем шығысымен тазалықты ретке келтіру ісі ширай түсіп, серпінді сенбіліктер жүргізілуде. Ал, қысы-жазы тыным таппай қолына сыпырғы, күрек ұстайтын тазалықшылар жайлы әңгіме бөлек. Себебі, санитарлық қызметпен айналысатын «Қызылорда тазалығы» ЖШС жұмысшылары шақырайған күннің, шытынаған аяздың, сіркіреген жауынның астында да жұмысын тоқтатқан емес. 

Астананың 20 жылдық мерейтойы мен Қызылорда қаласының 200 жылдық мерекесі аясында «Астана Балет» театрының труппасы бүгін Н.Бекежанов атындағы облыстық музыкалық-драма театрында өнер көрсетеді. Шығармашылық ұжым орындаушылық деңгейін, еліміздің хореография өнерінің заманауи және ұлттық үлгілерін паш етпек.

Біздің облысымыздың аты басқа да толымды істерімен қатар тұрғын үй құрылысының ерекше қарқын алуымен ерекшеленіп отыр. Мына мәліметтерге көз сала кетудің артықшылығы жоқ. Облыс бойынша өткен жылы 612,3 мың шаршы метр тұрғын үй салынса, бұл 2013 жылмен салыстырғанда екі есеге артық. Осы бес жылда Қызылорда қаласында 14 шағын аудан бой көтерді. 2017 жылдың өзінде 42 тұрғын үй пайдалануға беріліп, 1859 тұрғын жаңа пәтердің кілтін алды. Өткен жылы Елбасы Сыр еліне арнайы іссапармен келді. өңірімізде атқарылып жатқан соны істерге назар аударып, облыс басшылығының қолдауымен атқарылып жатқан тың жобаларға, жаңашыл бастамаларға оң бағасын берді.

Облыста тұңғыш рет сыбайлас жемқорлыққа қарсы мәселелер бойынша 1-ші облыстық азаматтық бастамашылар конгресі өткізілді. Конгресс мемлекеттік органдар мен қоғамдық ұйымдардың сыбайлас жемқорлыққа қарсы тұруда күш біріктіруге және олардың жауапкершілігін арттыруға бағытталды.

Бейсенбі күні ҚР Парламенті Мәжілісінің депутаттары Дархан Мыңбай, Абзал Ералиев, Балайым Кесебаева, Наталья Жұмаділдаева, Фахриддин Қаратаев, Амангелді Дәуренбаев жұмыс сапарымен Шиелі ауданында болып, бірқатар нысандарды аралады.

Қызылордада Қазақстан Республикасы Білім және ғылым министрлігінің жауапты хатшысы Арын Өрсариевтің Қызылорда облысы білім саласы қызметкерлерімен  кездесуі өтті. Кездесу барысында Қызылорда облысы бойынша облыстық білім саласындағы бақылау департаментінің жаңа басшысы Ерлан Жағыпарұлы Қарабалаев таныстырылды.

Аймақтық «Рухани жаңғыру» орталығының ұйымдастыруымен Елбасының «Болашаққа бағдар: рухани жаңғыру» бағдарламалық мақаласына жыл толуына орай «Қазақстандағы 100 жаңа есім» жобасының жеңімпазы Қазақстанның танымал ғалым-селекционері, ауыл шаруашылық ғылымдарының докторы, Қазақ күріш өсіру ғылыми-зерттеу институтының бас ғылыми қызметкері Александр Николаевич Подольскихтің қатысуымен «Күріш өсірудің заманауи технологиясы» тақырыбында тест-драйв форматында шеберлік сағатын өткізді.