Сыр бойы

Өзбекстан Қазақстаннан түйе сатып алды. Атап айтқанда, түйе шаруашылығын дамыту мақсатында Өзбекстанның Тамды ауданы Ок такир кентіне Қазақстанның Қызылорда облысынан 1 мың 500 түйе сатып әкелінді. Олардың арасында түйенің сүтті мол беретін аналық тұқымдары да бар, деп жазады "Қазақпарат" агенттігі "Уза"-ға сілтеме жасап.

«Ауырып ем іздегенше, ауырмайтын жол ізде» дейді дана халқымыз. Бүгінде дәстүрлі емес діни ағымдардың ағылып кеп, ел ішіне іріткі салуы қоғамның дертіне айналды. Көптеген жастардың санасы уланып, өздерін түсініксіз әлемнің тұңғиығына лақтыруда. Бұған себеп дінге бет бұрған жастардың деструктивтік діни ағымдардың теріс идеологиясына деген иммунитетінің әлсіздігінен орын алуда. Сондықтан мемлекетіміз дін туралы саясатын жүйелі жүргізу мақсатында ҚР  дін саласындағы мемлекеттік саясатының 2017-2020 жылдарға арналған тұжырымдамасын бекітіп, осыған сәйкес халықтың діни сауатын арттыруда түрлі шаралар жүргізілуде. Түсіндірме жұмыстарының арқасында талай адам теріс жолынан қайтып, дәстүрлі дінімізге қайта оралды. Бүгінгі ұрпақтың бет бұрысын түзеп, ұлттық құндылықтарымыздың ұмытылуының да алдын алуда.

Сыбайлас жемқорлыққа қарсы заңнама мен мемлекеттік қызмет органдарының 20 жылдығы, сондай-ақ, Астана қаласының 20 жылдығына орай бүгін Жалағаш ауданындағы орталық алаңда «Адал жол» сыбайлас жемқорлыққа қарсы марафон өткізілді.

Бүгін Қызылорда автобус паркінде қолданысқа енгізілетін электронды билет жүйесінің таныстырылымы өткізілді.

Қызылорда көркемсурет галереясында Қазақстанның алғашқы театр суретшісі, халық шебері Ләтипа Қожықованың 125 жылдығына орай ұйымдастырылатын «Қожықовтар қолтаңбасы» көрмесі ұйымдастырылды.

Сыр елі – сонау Қорқыттан басталатын өлең-жырдың алтын тінін үзбей бүгінгі ұрпаққа жеткізген аймақ. Сыр елін жыр елі атандырған өлкенің даңқы шыққан өнерпаздары. Облыс орталығында шоқтығы биік шайыр Омар Шораяқұлының 140 жылдығына арналған «Алты Алаштың шайыры...» атты жыр кеші өтті. Кеш тізгіні Қазақстанның еңбек сіңірген қайраткері, жырау Алмас Алматовта болды.

Жыл сайынғы дәстүр бойынша Қызылорда қаласындағы «Облыстық мамандандырылған жастар мен жасөспірімдер футболына арналған олимпиадалық резерв мектебі» КММ стадионында қызмет бабында қаза болған әріптестеріміз -  А.Төлеубаевты, А.Әшірбековті және Қ.Төремановты еске алуға арналған өрт сөндіру-құтқару спортынан  облыстық жарыс өтті.

Көктемнің әр күні – жылға азық. Мұны әрбір дала перзенті терең түйсінеді. Қысы қытымыр келетін Қазалы ауданында ауа райы әлі де толық жылына  қойған жоқ. Десе де, күн қабағын бағып үйренген диқан қауым ұтырлы сәтті тиімді пайдалануға ұмтылуда.

Ауылда той болатын үйді бірден білесің. Онда ағайындар жиылып, қазан-ошақ дайындап, абыр-сабыр күйге енеді. Қала мерекесі қарсаңындағы әзірлік ағайынның сол ауызбіршілігін еске салғандай болды. 

Кеше облыс әкімі Қырымбек Көшербаевтың төрағалығымен 2017-2018 жылғы жылу беру маусымының қорытындысы және 2018-2019 жылдардағы жылу беру маусымына дайындық барысы талқыланған селекторлық мәжіліс өтті. Мәжіліске ҚР Президенті Әкімшілігінің мемлекеттік инспекторы Нұрлан Тілешов қатысты.