Сыр бойы

28 сәуір күні «Евразия» спорт кешенінде Н.Ә.Назарбаевтың «Болашаққа бағдар: Рухани жаңғыру» бағдарламалық мақаласындағы міндеттерді жүзеге асыруға бағытталған қазақ күресінен IX облыстық «Алтын белбеу» ақтық сайысы басталады.

"Рухани жаңғыру" бағдарламасы аясында жүзеге асырылған "100 жаңа оқулық" жобасы бойынша қазақ тіліне аударылған алғашқы 18 оқулық жайлы аймақтағы этномәдени бірлестік өкілдері де ой-пікірлерін айтты. Өңірлік коммуникациялар қызметінде өткен баспасөз  конференциясына қатысқан «Қоғамдық келісім» орталығының бөлім басшысы Сәулет Сахиев, «Славяне» қоғамдық бірлестігінің жетекшісі Галина Щербакова және түрік этно мәдени бірлестігінің жетекшісі Гульчин Гейдарова оқулықтардың білімге құштар жастар үшін қолжетімді болатыны қуантарлық жайт деп атап өтті.

Бүгін Қазалы ауданында «Болашаққа бағдар: Рухани жаңғыру» бағдарламасы аясында «Қазақстандағы 100 жаңа есім» жобасының қатысушысы, Қазақстан Республикасының еңбегі сіңген спорт шебері Марина Вольновамен шеберлік сағаты өтті. Басты мақсат – салауатты өмір салтын насихаттай отырып, жастарға үлгі ету.

Қазақстан Республикасының дін саласындағы мемлекеттік саясатының 2017-2020 жылдарға арналған тұжырымдамасына сәйкес, деструктивтік діни ағымдардың алдын алу мақсатында облыс тұрғындарына ақпараттық-түсіндірме жұмыстары жүргізілуде.

17-18 мамыр күндері Қызылордада танымал әнші-композитор, Қазақстанның еңбек сіңірген қайраткері – Батырхан Шөкеновты еске алуға арналған «Отан-Ана» екінші республикалық әншілер байқауы өтеді. 

«Кітап – білім бұлағы». Аудандық орталық кітапхананың оқырмандарға қызмет көрсету бөлімі ұйымдастырған  «Кітап. Ұлттық рух. Замана тынысы»  атты  «Үздік оқырман-2018» жас оқырмандар байқауы аса тартымды өтті. Кент пен Қазалы қаласындағы 11 мектептен талапкерлер қатысқан  шара оқырмандарды кітап оқу өнеріне, дүниетанымын кеңейтуге, көркем шығармалардың тамашалығын сезінуге, оқығандарын дұрыс бағалай алуға, өмірде, еңбекте, оқуда, кітапты пайдалануға баулу, тарихи-мәдени және рухани мұрамызды сақтау, жастарды отаншылдыққа, өнегілікке тәрбиелеу, жастарды кітап оқуға шақыруды көздеген байқау аталмыш кітапханада осымен  үшінші мәрте мәреге жеткен еді.  

Қызылорда облысы ішкі істер департаментінде патриоттық тәрбие беру және мемлекеттік рәміздерге деген құрметін қалыптастыру мақсатында қызмет салаларының басшыларына және жеке құрам үшін түсіндірме жұмыстары жүргізілді.

Орта Азия елдері Арал мәселесін шешу үшін Қырғызстанның Халықаралық Аралды құтқару қорына қатысуын қалпына келтіру мақсатында жұмыс істеп жатыр. Бұл туралы Сыртқы істер министрінің орынбасары Ғалымжан Қойшыбаев Парламент Мәжілісінде өткен трансшекаралық өзендердің су ресурстарын пайдалану мен қорғаудың жай-күйі туралы дөңгелек үстелде мәлімдеді, деп хабарлайды Baq.kz тілшісі.

Елбасының "Рухани жаңғыру" бағдарламасы аясында жүзеге асырылған "100 жаңа оқулық" жобасы бойынша алғашқы 18 оқулық қазақ тіліне аударылғаны белгілі. Бүгін Өңірлік коммуникациялар қызметінде өткен баспасөз конференциясында Қорқыт ата атындағы ҚМУ оқытушылары, дінтану ғылымдарының магистрі Әлібек Жаппасбаев пен экономика ғылымдарының кандидаты Абай Шайнұров кітаптардың мазмұны мен білім беру процесіндегі маңызы туралы ой-пікірлерімен бөлісті.

Астанада «100 жаңа оқулық: тілдің жаңғыруы және ғылым мен білім беру жүйесінің қайта қосылуы» тақырыбында дөңгелек үстел өтті. Жиында Ұлттық аударма бюросының жоба басшысы Әлібек Қисыбай қазақ тіліне аударылған кітаптар мамыр айының соңына дейін жоғарғы оқу орындарына жеткізілетінін айтты.