Сыр бойы

«2017 жылы елімізде «Қазақстан Республикасының кейбір заңнамалық актілеріне бюджет заңнамасын жетілдіру мәселелері бойынша өзгерістер мен толықтырулар енгізу туралы» Заңының қабылдануымен мемлекеттік-жеке меншік әріптестік тетіктері бизнес үшін ыңғайлы бола бастады», - дейді Кәсіпкерлер палатасының директоры Ғалымбек Жақсылықов. Себебі құжат кәсіпкерлердің ұсыныс-пікірлерін ескере отырып әзірленген. Енді кәсіпкерлер мемлекеттік-жеке меншік әріптестік аясында балабақша немесе емхана салса қандай кіріске қол жеткізуге болатынын алдын ала біліп отыратын болды.

Қызылорда қаласындағы №10 дарынды балаларға арналған облыстық «Білім-инновация» лицейінің оқушылары Англияның Кембридж университетінің базасында өткен «The Intellectuals’ сhallenge» тақырыбындағы білім сайысында жақсы нәтиже көрсетті. 

Ұлт Көшбасшысының «Келешекке кемел біліммен» деп мұғалімдерге артқан сенімін ақтай отырып, білім беруді тәрбиемен жаңаша ұштастырып, оның сапасын көтеру – мәртебесі биік, маңызы зор жалпыұлттық мүдде.

Кеше А.Тоқмағамбетов атындағы Мәдениет үйінде облыстық ардагерлер кеңесінің «Қазақи қасиеттерімізді жаңғыртудағы облыс ардагерлер ұйымдарының міндеттері туралы» тақырыпта форум өтті. Форум жұмысына облыстық мәслихат хатшысы Н.Байқадамов аудан, қала әкімдерінің орынбасарлары, ішкі саясат бөлімдерінің басшылары, мешіт имамдары мен жастар, ардагерлер қауымы қатысты. 

Кеше облыс әкімі Қырымбек Көшербаевтың төрағалығымен облыс әкімдігінің кеңейтілген мәжілісі өтіп, онда Елбасы Жолдауынан туындайтын міндеттердің, ҚР Үкіметі мен облыс әкімдігі арасындағы Меморандум индикаторларының, I тоқсандағы әлеуметтік-экономикалық даму қорытындылары және алдағы міндеттер талқыланды. Осы жолғы басқосуға  аудан әкімдерімен бірге ауылдық округ әкімдері де қатысты.

Елбасының «Болашаққа бағдар: рухани жаңғыру» атты мақаласындағы міндеттерге сәйкес «100 жаңа оқулық» жобасы аясында жарық көрген туындылардың жастар үшін берері мол. Өңірлік коммуникациялар қызметінде өткен брифингте Қорқыт ата атындағы ҚМУ-дың  дінтану ғылымдарының магистрі, оқытушы Әлібек Жаппасбаев және экономика ғылымдарының  кандитаты Абай Шайнұров осы туындылардың мазмұны мен білім беру процесіндегі маңызы туралы  айтып берді.

28 сәуір күні Елбасы Н.Назарбаевтың қатысуымен «Бес әлеуметтік бастама – қоғамның әлеуметтік бірлігінің тұғыры» атты тақырып аясында Қазақстан халқы Ассамблеясының жиырма алтыншы сессиясы өткізілмек. Халықтың әлеуметтік жағдайын көтеріп, ел ішіндегі бірлікті нығайтуды көздейтін шара қарсаңында біз де облыстық ҚХА-ның өңірде атқарып жатқан жұмыстарын саралағанды жөн көрдік.

Сыр тумасы, белгілі композитор, Қазақстанның еңбек сіңірген қайраткері Кеңес Дүйсекеев атындағы республикалық «Туған жер» әншілер байқауы осымен 6-шы рет ұйымдастырылып отыр. Еліміздің барлық өңірінен 18 талапкер қатысқан өнер додасы Астана қаласының – 20, Қызылорда қаласының 200 жылдығына арналды. Талапты жастардың өнерін өрістетіп, шығармашылығын шыңдауды мақсат ететін конкурстың ауқымы жыл өткен сайын кеңейіп келе жатқанын да айту керек. Біз мұны өнерпаздардың белсенділігінен, ерекше ынта-жігерінен айқын аңғардық.

Спорт – елдің мерейін асырып, абыройын тасытатын сала. Спорттың бұқаралық сипатын дамыту – мемлекетіміздің стратегиялық басым бағыттарының бірі. Осы қағиданы берік ұстанған мемлекетіміз ел халқының ойы сергек, дені сау болуы үшін қолда бар мүмкіндіктің бәрін жасауда.

Бүгін аймақ басшысы Қырымбек Көшербаевтың төрағалығымен жаппай кәсіпкерлікті дамыту мәселелеріне арналған облыс активінің кеңейтілген отырысы өтті.