Сыр бойы

Үндістанның Тутикорин қаласында ерекше сән салоны жұмыс істеп тұр. Шаштараздың ішінен шағын кітапхана ашылған.

Су ресурстарын пайдалануды реттеу және қорғау жөніндегі «Арал-Сырдария» бассейндік инспекция мамандары қазіргі таңда дария бойында қауіп жоқ дегенді алға тартып отыр. Есептеулер бойынша қазір «Шардара» су қоймасында 2,9 млрд текше метр су бар. Оған жоғары ағыстан секундына 919 текше метр су келуде. Ал қоймадан төменгі ағысқа секундына 500 текше метр су босатылуда.

5 қаңтар күні YouTube хостингінің «Нағыз қазақ» арнасында «Аралтұз» өнімінің сапасына қатысты видеожазба жарияланды. Онда автор тұз құрамында адам денсаулығына зиянды қоспа бар екенін және кәсіпорынның Қытайға сатылып кеткенін жеткізген еді. Алайда, әлеуметтік желіде желдей ескен, көңілге күмән ұялатқан ақпарат жалған болып шықты.

 Бүгінде облыс халқының жартысынан астамы «көгілдір отын» игілігін көріп отыр. Ал оны елді мекендерге, әрбір тұтынушыға жеткізіп беруші құрылым – «ҚазТрансГаз Аймақ» АҚ Қызылорда өндірістік филиалы. Қазіргі таңда тұрғындар арасында пайдаланып отырған газдың сапасы мен қысымына, бағасына байланысты сұрақтар да жоқ емес. Шын мәнінде, мұндай сауалдардың жауабы қандай? Тиісті мекеме көпті толғандырған мәселеге нендей пікір білдіреді? Осы орайда газет тілшісі филиал директоры Талғат Қызылбаевпен арнайы сұхбаттасып, мән-жайды бағамдап көрген еді.

  Елімізде қызу талқыланған  «Педагог мәртебесі туралы» Заңның ресми жарияланғанына екі аптадан аса уақыт өтті. Осылайша, ұстаздар көптен күткен құжат тәуелсіздік тарихында тұңғыш рет қолданысқа енгізілді. Жарты миллионнан астам педагогтің жұмысына қатысты тарихи заң 21 баптан тұрады. Өңірлік коммуникациялар қызметінде өткен брифингте облыстық білім басқармасының басшысы Майра Мелдебекова жаңа заңның ерекшелігі туралы айтып берді.

Қызылорда қалалық Полиция басқармасының патрульдік полиция батальонының қызметкерлері әр кез қоғамдық орында халықтың тыныштығын сақтау, сонымен қатар қылмыс пен құқық бұзушылықтың алдын алу және болдырмау мақсатында күндіз-түні күшейтілген кезекшілікте қызмет атқарады.

Осыған дейін Үкімет “Қазақстан Рес­публикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасын” бекітті.

Қызылорда облысында «100 нақты қадам» Ұлт жоспарын жүзеге асыру аясында «Өңірлік электржелілік компанияларды ірілендіру (ЭТК)» 51 қадам бойынша облыс әкімдігінің 2019 жылғы 4 желтоқсандағы №110 қаулысымен «Шиелі-Энергосервис» ЖШС энергия беруші ұйымның электржелілік объектілері «Қызылорда ЭТТК» АҚ өңірлік электржелілік компаниясымен жедел қызмет көрсетумен облыстық коммуналдық мүлік балансына қабылданды. 

Алдағы наурыз айында футболдан ел біріншілігі жалауын көтереді. Бүгінгі күндері қазақстандық клубтар доп додасына дайындығын бастап кетті. Қызылорданың «Қайсар» командасы алғашқы оқу-жаттығу жиынына өз еліміз бен шетелдік клубтарда доп тепкен үздіктерді шақыртқан болатын. Қазірдің өзінде олардың қатарында «Қайсармен» келісім-шартқа қол қойып үлгерген футболшылар бар.

Талантты әнші-сазгер Бексұлтан Байкенжеевтің туғанына 70 жыл толуы туған жері – Жаңақорған ауданында салтанатпен аталып өтті. «Ақбаян», «Ақшолпаным»,  «Ақ гүлім», «Жеңешем»,  «Гүлденген Жаңақорған»,   «Құда болып жүрейік» секілді әндерімен жұртшылықты тамсандырған  өнерпазды жерлестері осылайша еске алды. Байқау М.Көкенов атындағы аудандық мәдениет үйінде өтті. Онда еліміздің жеті облысынан табиғи дауыста  орындайтын 15 сазгер-әнші  бақ сынады.