Сыр бойы

«Nur Otan» партиясы Қызылорда облыстық филиалының төрағасы, облыс әкімі Қуаныш Ысқақовтың төрағалығымен «Индустриалды даму» бағытында партиялық тыңдау өтті.

 

«Nur Otan» партиясы Сырдария аудандық филиалының кадрлық резервіне үміткерлерді іріктеу басталды. Тереңөзек кенті және Н.Ілиясов атындағы ауылда алғаш рет пікірсайыс форматында өткен шараға 12 үміткер қатысты.

Облыс әкімінің орынбасары Наурызбай Байқадамовтың қатысуымен облыстық мәслихаттың кезектен тыс 38-ші сессиясы өтті. Облыстық мәслихат хатшысы Қылышбай Бисенов күн тәртібіне Қызылорда қаласының 2050 жылға дейінгі даму стратегиясын бекіту  туралы бір ғана мәселе енгізіліп отырғанын хабарлады.

 ҚР Еңбек және халықты әлеуметтік қорғау министрлігі мамандарының болжамы бойынша 4 немесе одан көп баласы бар 340,3 мың отбасы көпбалалы болуына байланысты мемлекеттік жәрдемақыға үміткер. Айта кетерлігі, аталған жәрдемақы енгізілгеннен бастап Қазақстандағы көпбалалы отбасылар санының артуына байланысты алушылар саны да ұлғаюы мүмкін.

Қала әкімі Нұрлыбек Нәлібаев Корей елінде ауыр атлетикадан өткен дүбірлі додада Азия чемпионы атанған Рахат Бекболат пен «Хрус­тальная магнолия» халықаралық жас орындаушылар фестивалінің жеңімпаздары Қарақат Базарбайды, Саят Сарманбекті және көркемсөз жанры бойынша І орын иегері Хорлан Саинды қабылдап, арнайы құттықтады. 

Қызылордада өтіп жатқан қазақ күресінен ел чемпио­натына байтақ республиканың барлық өңірінен күш сынасуға 500 спортшы білек сыбана келді. Әрбірінің қолдау көрсетер жанкүйері бар. Дүйсенбіде бастау алған тартысты бәсеке бүгін өз мәресіне жетпек. Осыған дейін ерлер 9 салмақ дәрежесінде, сонымен қатар түйе палуандар сайысында сынға түссе, бүгін әйелдер арасында 7 салмақ бойынша жарыс өткізілуде.

 Сүтен әжі (Сүттібай) XIX ғасырда өмір сүрген. Туған жері – Шиелі ауданы, Тартоғай ауылына қарасты Боқтыөлең деген жер. Сырдария өзені жағасындағы Қоғалыкөлдің айналасы. Сүтен атамыз негізінен аңшылықты кәсіп етіпті. Бір күні бейтаныс екі кісі кезігеді. Амандасып, жөн сұрасса, екеуі де қашып жүрген Бұқарбай батыр ауылының тұрғындары екен. Бұқарбайдың інісі Серіктің ұлы Дуанбай мен қызы Алтынай көрінеді. Гәп мынада – Бұқарбай батыр өзінің және ағайындарының балаларын найзаласуға үйретіпті. 

Таңсәріде Қызылорда қаласынан күншығысты бетке алып жолға шықтық. Бағытымыз – кезінде ел жайлап, атақоныс болған  Мойынқұм, Қарақұм. Жол талғамайтын көлікте сегізбіз. Алдыңғы көлікте 82 жастағы қария Кәрібай Аяхметов, облысқа белгілі кәсіпкер Алмаз Рахмет, еңбек ардагері Мектепбай Бошқаев және жүргізуші Бауыржан бар. Ал екінші көлікте ҚР мәдениет саласының үздігі Сансызбай Сәдуақасов, кезінде Іңкәрдария қой сов­хозында зоотехник болған Уәли Қонақбаев және жүргізуші Мұрат төртеуміз. Бұл кісілердің жолға шыққандағы мақсаты – атажұртқа табан тіреп, Сыр және Арқа өңіріне белгілі болған Бозжан би басына белгі қою.

 – Жоса деген шөп екен деп жүрсем, қиыршық тас екен ғой, – дейді автобус үстінде екі жас бір-біріне. – Сол қасиетті төбе қай тұста өзі?Міне, осы сөз мені Жосалы төбесі туралы аз да болса естіп-білгенімді жазуға итермеледі.