Сыр бойы

Атырау облысында 3 шілде күні тұрған қатты желдің салдарынан Бесікті елді мекеніндегі "Тұлпар" лагерінің шатыры ұшып кетіп, осында демалып жатқан 150-ге жуық бала қауіпсіз жерге шығарылған. Оқиғадан зардап шеккендер жоқ деп хабарлайды Ақжайық.

Кәсіпқой боксшы Қанат Ислам Алматыдағы бокс кешінде қарсыласын 14-секундта нокаутқа жіберді, деп хабарлайды ҚазАқпарат тілшісі.

Индиана штатында (АҚШ) парадзюдодан өткен лицензиялық халықаралық турнирде Сыр спортшысы Олжас Оразалыұлы (60 келі) күміс жүлдені иеленді.

Умаг қаласында (Хорватия) каратэден өтіп жатқан Əлем кубогында Сыр спортшысы Əсемгүл Ердəулет алтын жүлдені жеңіп алды.

Жинаған жақсысы мен бар асылын – Астанаға көзінің қарашығын. Уа, халқым, бәріңе құтты болсын, Туған күні Нұр-Сұлтан қаласының. Қашаннан ақсақалдар бата беріп, Игілікті, ізгі істер жатады өріп. Қуанышты көңілден күй шалқыды, Қос тойы қазағымның қатар келіп. Өз дегенін істейді уақыт анық, Келеміз Ақордадан бағыт алып. Қара орман – Қазақстанға қарайды әлем, Өркендеген елімді тағы танып. Артамын кей кездері мен де міндет, Еуразияны жалғаған елдемін деп. Қос ғасыр, қос қоғамда өмір сүріп, Дәл осындай өрлеуді көргенім жоқ. Көңілдегі көп істі жайғастырып, Үлкенді аға, қатарды жолдас қылып. Қарлығаштай қалықтап ұшады ақын, Сыр елі мен Арқаны жалғастырып. Қалықтап көкжиекте жастар әні, Береке мерекеден басталады. Аспан түстес көкпенбек жалауымдай, Жақсы көрем бас қала, астананы. Құс әнін – тарқамаған базарымның, Естимін де қуанам ғажап үнін. Туған елім өркендеп өсе берсін, Биіктеп мәртебесі қазағымның.Ізәтілла Нәрзілдаев,Жаңақорған ауданы

Осыдан жарты ғасыр бұрын, 1969 жылы елу төрт түлек Арал ауданындағы З.Шүкіров атындағы №20 Бөген орта мектебін тәмамдап, үлкен өмірге қанат қаққан болатын. Содан бері олардың көбісі кең-байтақ еліміздің тұс-тұсында бақытты ғұмыр кешіп, баянды еңбек етсе, жиырма жетісі бақилық сапарға аттаныпты.

Шілденің алғашқы жексенбісі – қасиетті қара домбыраны әспеттейтін күн. Бұл күні қазақтың байтақ даласы домбыра үнімен тербеледі, домбыра үнімен оянады. Ең қуаныштысы, бұл мереке кейінгі толқынның ұлттық аспапқа деген құрметін арттырды. Мереке қарсаңында жас та болса, домбыра жасаудың шебері, Шиелі ауданы, Досбол би ауылының тұрғыны Біржан Ділмановпен дидарласудың сәті түсті. 

Келіншектің сәні – орамал екені рас. Оның бүгінде түр-түрі көп. Алайда өзіндік ерекшелігімен тігілген орамал жоқтың қасы. Сүйікті ісін кәсіпке айналдырған Аида Темір жас болса да өзінің талантын көпке мо­йындатып келеді. Бала арманының іске асуы жолында аянбай еңбек етіп жүрген бойжеткеннің табандылығына сүйсінесің.

Жыл сайын жаңа оқу жылы қарсаңында ата-аналар мектепте оқитын балалары үшін бағасы аса қымбат емес, бірақ сапасы жақсы киім іздеп сабылатыны рас. Бұған дейін Қырғызстан, Өзбекстан сияқты көршілес елдердің өнімдерін пайдаланып жүрміз. Өйткені Түркия, Ресей елдерінің тауарларына қарағанда бағасы біршама төмен. Ал, биылғы оқу жылында өзіміздің отандық өнімді тұтынуға мүмкіндік туып отыр. Нақтырақ айтсақ, "Dalatex" тігін фабрикасы "Qobyz" деген атпен бірыңғай мектеп формасының үлгісін ұсынды.

Сыр өңірінде жылыжай кәсібі жандана бастады. Алыс аудандармен қосқанда облыс орталығында да бұл іске қызу кіріскендер көп. Оның үстіне, аталған сала ҚР агроөнеркәсіптік кешенін дамытудың 2017-2022 жылдарға арналған мемлекеттік бағдарламасында баса маңызға ие. Қармақшы ауданы Жаңажол ауылында Дулат Жаппаров осы кәсіпті алғаш қолға алғандардың бірі.