Сыр бойы

Техникалық реттеу және метрология комитетінің облыс бойынша департаментінде «Бүкіләлемдік сапа күніне» орай  «Сапа – табыс көзі» атты тақырыпта жиын өтті. 

  Қазақ қараша мен желтоқсанда мал байлап, соғым сояды. Әсіресе, жылқы етін аңсайтындар көп. Мал ұстағандардың көпшілігі ала жаздай соғымға деп арнайы бір-екі қарасын белгілеп қояды. Қыс қылаң бергенде жыға бастайды. Әр үйдің шамасына қарай соғымға түйе, жылқы, сиыр сияқты ірі мал соятыны белгілі. Көрпесіне қарай көсілетін, әсіресе, климаты қатал өңірде тұратын біздің халық қыста соғымсыз отырмайды. Мұртын майламаса да, ұртын толтырып жейтін ірі қараны жығып алуға тырысады.

Ауылда оқып, қазақтың ұлттық әдет-ғұрпын бойы­на сіңіріп өскен Қалтай Мұхамеджанов орыс халқын алғашында олардың жазушыларының қазақшаға аударылған шығармалары арқылы таныды. Екі жоғары оқу орнын (Қызылорда пед­институты мен Ташкенттің өнер институты) екі курс­тан шегіншектеп оқыған Қалағаң Мәскеудің А.Н.Луначарский атындағы ГИТИС-ін «Театр тарихы мен теориясы» мамандығы бойынша үздік бітірді. «Халық жауының» баласы деген таңбасы өмір жолында біраз қиыншылықты алдына тартқанмен, 1,5 ғасырға жуық тарихы бар  осы оқу орнына түсуіне де сол таңбаның оң себебі болғаны жасырын емес. 

Мемлекеттік қызметкер халық пен билік арасындағы елші сынды. Сондықтан мемлекеттік органда жұмыс істейтін әр адамның ісі мен сөзі халықтың көз алдында.Мемлекеттік қызметшінің міндеті өте жауапты. Бұл туралы ҚР Президенті жанындағы Мемлекеттік басқару академиясының облыс бойынша филиалының ұйымдастыруымен өткен «Тиімді басқару және көшбасшы жастар» атты жиында мәселе талқыға салынды. 

Қызылорданың «Қайсар» командасының бас бапкері Стойчо Младенов 2019 жылы қызметін жалғастыратын болды, деп хабарлайды ҚазАқпарат тілшісі.

  Кеше Жаңақорған ауданындағы Шалқия кентінің тұрғыны Ахмет Рахимовтың уақ малы шығын болғаны туралы хабарланды. Байкенже ауылы маңындағы жайылымға қоныстанған мал иесінің айтуынша, 7 қарашадан бері белгісіз дерттен 116 бас түлік шығынға ұшыраған. 

Жуырда «Рухани жаңғыру» орталығы мен облыстық білім басқармасының ұйым­дас­ты­руы­мен  оқушылар арасында «Ме­нің отбасымның тарихы» атты фото, видео, эссе байқауы өтті. Оған ай­мағымыздың бар­лық аудандарынан 5-9 сынып оқушылары қатысып, бақ сынады.

Бүгінде этностық топтар арасындағы мектеп оқушылары мен жастарға мемлекеттік тілді үйретуде түрлі жобалар іске асуда. Соның бірі – рухани негіз болып танылатын ұлттық құндылықтарды бойға сіңіріп, халықтар достығын насихаттайтын «Мың бала» республикалық мәдени-ағарту жобасының өңірлік байқаулары өткізілуде. 

Жиырма екі жастағы Гүлжайна (өзі өтінгесін есімін өзгерттік – ред.) қазір Қызылордадағы «Аналар үйінде» тұрып жатыр. Біз барғанымызда ол үш жастағы сәбиін ойнатып отыр екен. Мұнда қай тағдыры айдап әкелгенін тілші деп тосырқамай айтып берді.

Облыстық ішкі саясат басқармасының тапсырысы бойынша «Руханиятты қолдау» қоғамдық қоры мемлекеттік қызметкерлердің ортасында «Мемлекеттік қызметкер этикасы: сөйлеу, іскерлік сөйлеу, коммуникациялық орта» тақырыбында семинар-тренинг өткізді. Оған облыстық ішкі саясат басқармасының басшысы Т.Маханов қатысты.