Сыр бойы

Бүгінде этностық топтар арасындағы мектеп оқушылары мен жастарға мемлекеттік тілді үйретуде түрлі жобалар іске асуда. Соның бірі – рухани негіз болып танылатын ұлттық құндылықтарды бойға сіңіріп, халықтар достығын насихаттайтын «Мың бала» республикалық мәдени-ағарту жобасының өңірлік байқаулары өткізілуде. 

Соның қорытындысы ретінде «Дос­тық үйінде» қала және аудан ор­та­лықтарынан келген, түрлі ұлт өкілдерінен құралған мектеп  оқушылары  арасында сайыс өтті. Қазақ халқының халық ауыз әдебиеті (мақал-мәтел сайысы мен би-шешендер мұрасынан көрініс сахналау) мен арнайы эссе жазу бой­ынша өткен жарыс қызықты болды.

– Жобаны іске асыруда жыл басынан бері облыс көле­мін­де түрлі форматта, мысалы, дөңгелек үстел, шығар­ма­лар байқауы, ашық диктант, кез­де­су­лер ұйымдастырып келеміз. Сондай-ақ, жазғы тыны­ғу лагерьлерінде ұлттық және спорт­тық ойын түрлерінен жарыс­тар, «Тіл мектебі» қазақ тілін оқы­ту бойынша авторлық бағ­дар­ла­малар ұйымдастырылды. Бұл жо­ба оқушылар мен жастар­дың мем­лекеттік тілдің маңызды­лы­ғын жете түсінуге көп көмегін ти­­гізді деп айта аламын, – дей­ді облыс әкімі аппа­раты «Қо­ғам­дық келісім» мем­лекеттік меке­месінің аға сарапшысы Шәкизат Әбдіраманова.

Байқау қорытындысы бойынша 3-ші дәрежелі диплом және арнайы сыйлықпен қаладағы №198 орта мектеп, Жалағаш ауданының №31 мектеп-гимназиясының шәкірт­тері өзара бөлісті. 2-орынға Сырдария ау­данының №36 мектеп-ли­цей оқушылары ие болды. Бас жүлдені Шиелінің №127 мектеп-лицей балалары жеңіп алды.

Айта кету керек, бұл жоба­ның қоғамдық келісім мен қазақ­с­тан­дық патриотизмді нығайту фак­­торы ретінде мемлекеттік тіл­дің мәртебесі мен сапасын арттыруда маңызы ерекше. Сондай-ақ өскелең ұрпақты тәрбиелеу, мәдениет, салт-дәстүр мен әдет-ғұрыптарды балалар бойына қа­лыптастыруда жетекші рөл атқа­ратынына сенім мол.