Сыр бойы

 «ҚазТрансГаз Аймақ» АҚ Қызылорда өндірістік филиалы 2018-2019 жж. жылыту маусымына газ тарату нысандарын дайындау бойынша жөндеу жұмыстарын жүргізуіне байланысты, 2018 жылдың  4 маусым күні ХҚКО, Ескі базар аумағы, ТЖ вокзал аумағы, Титов қыстағы, Гагарин қыстағы, «Арай» және «Сәулет» шағын аудандарында  тұратын абоненттер сағат 9.00-ден бастап 16.00-ге дейін газбен жабдықтау жүйесінен уақытша ажыратылатынын хабарлайды.

Қызылорда облысының қорғаныс істері жөніндегі департаментінде 1- маусым Халықаралық балаларды қорғау күні және 4 маусым – мемлекеттік рәміздер күні ерекше аталып өтті.

Бүгін Жалағаш кент орталығындағы «Жеңіс» паркінде аудан әкімі Қ.Сәрсенбаевтың қатысуымен «Фотосушка» фото-көрмесі ұйымдастырылды.

Бүгін Қызылорда облыстық мәслихатының кезектен тыс 20 сессиясы болып өтті. Күні бұрын өткен тұрақты комиссиялардың бірлескен отырысына 10 мәселе ұсынылған болатын.

Қызылорда облысының әкімі Қырымбек Елеуұлы Көшербаевқа «Батыс Қазақстан облысының Құрметті азаматы» атағы табыс етілді. Аталмыш атақты табыс ету рәсімін Қызылорда облыстық мәслихатының кезектен тыс XX сессиясында Батыс Қазақстан облысы әкімінің орынбасары Ғабидулла Оспанқұлов орындады, деп хабарлайды ҚазАқпарат тілшісі.

Қызылорда облысының күрес түрлері (грек-рим, еркін және әйелдер күресі) федерациясының кезектен тыс отырысы өтті. Жиынға облыстық дене шынықтыру және спорт басқармасының басшысы Олжас Акимов, ҚР күрес түрлері федерациясының бас хатшысы Анатолий Волоха, ҚР күрес түрлері федерациясының өкілі Нұрбек Бейсенов және күрес түрлерінен  ардагерлер, жаттықтырушылар, спортшылар қатысты.

Бүгін Жосалы кент орталығында «Жыраулар Үйі» алаңында 1-маусым Халықаралық балалар күні мерекесіне орай «Нұрлы болашақ» атты балабақша бүлдіршіндерінің сазды бағдарламалық шарасы өтті.

Бүгін, ҚМДБ-ның Қызылорда облысы бойынша өкілдігінің ұйымдастыруымен, облыстық «Ақмешіт-Сырдария» орталық мешітінде, «Ислам және отбасы» жылы аясында, «Халықаралық балалар құқығын қорғау» күніне орай қайырымдылық акциясы болып өтті.

ҚМДБ-ның Қызылорда облысы бойынша өкілдігінің ұйымдастыруымен Нұр-Мүбарак университетінің оқытушысы Рахымжан Әкімбеков тарауық намазының алдында «Ақмешіт-Сырдария» орталық мешітінде қала жамағатымен өткен кездесуінде «Оразаның рухани және медициналық пайдалары» тақырыбында уағыз айтып, жамағат тарапынан қойылған өзекті сұрақтарға жауап берді.

Жаңақорған ауданында менингококты инфекцияның алғашқы жағдайы тіркелді. Осы жылдың 31 мамырында 1991 жылы туылған ер азаматқа "менингококты инфекция, менингит, менингококцемия" диагнозы қойылып, ол Жаңақорған аудандық ауруханаға жатқызылды. Бүгінгі таңда, дәрігерлер науқастың жағдайын ауыр тұрақты деп бағалап отыр. Бұл туралы бүгін Өңірлік коммуникациялар қызметінде өткен баспасөз конференциясында облыстық денсаулық сақтау басқармасы басшысының орынбасары Жақсылық Абдусаметов мәлімдеді.