Сыр бойы

Шиелі ауданының, Ш.Қодаманов ауылының мәдениет үйінде «Отбасы – адамзат бесігін тербеткен ұя» отбасылық сайысы өтті. Аталған шараны «Айсұлу-Ұ» балабақшасы ұйымдастырды.

  «Тазару» – шын мәніндегі өз өмірім, өз тағдырым туралы өлең. Оның әуенін белгілі айтыскер, сазгер, қазалылық інім Нұрдәулет Маханбетов жазған еді. Осы туындыны ұнатқан дәстүрлі әнші Зағипа Иманғазиева оған бейнебаян түсірді. «Бұл әнді Түркия қазақтарының алдында орындағанымда көрермен жұрт жылап отырды» – деді бірде Зағипа. Соған қарағанда, біраз жүректі қозғайтын өлең жазған екенмін.

  Жосалы кентіндегі «Жыраулар үйінде» Елбасы Н.Ә.Назарбаевтың «Болашаққа бағдар: Рухани жаңғыру» мақаласы аясында Астана қаласының 20 жылдығына орай «Алтын тұғыр – ақ орда, арайланған Астанам» атты облыстық жас ақындар айтысы өтті. 

Ә.Тәжібаев атындағы облыстық кітапханада қазақ поэзиясының аса көрнекті шебері, ірі драматург және белгілі әдебиет зерттеушісі, филология ғылымының докторы, жерлесіміз Әбілдә Тәжібаевтың шығармашылығына арналған «Жұлдызы биік жыр - жаһан» атты жыр кеші өтті.

 Қысы-жазы жұмыс істейтін лагерь қармақшылық оқушылар үшін жаңа мүмкіндік болмақ. Бұрын олар демалыс кезінде, Ұлттық бірыңғай тестілеуге және пәндік олимпиадаларға дайындалу үшін өзге аудан немесе облыс орталығына жіберілетін. Енді көп функциялы типтік жобада салынып жатқан кешенде тынығып, білімін жетілдіретін болады. Күзде пайдалануға берілетін нысанның құны бір миллиард 292 миллион теңгені құраған. Жалпы Қармақшы ауданында құрылыс көлемі 3 есеге дейін артпақ.

 2018 жылдың 1 қаңтарынан бастап күшіне енген жаңа салық кодексі электронды алаңда сауда жасайтын кәсіпкерлер үшін жеңілдік ұсынып отыр. Интернет-дүкендер немесе интернет-алаң арқылы сауда жүргізетін заңды тұлғалар корпоративті табыс салығынан, ал дара кәсіпкерлер жеке табыс салығынан босатылады.

 01.01.2018 жылдан бастап қолданысқа енген «Салық және бюджетке төленетін басқа да міндетті төлемдер туралы» Кодексінің (Салық кодексі) көтерме және бөлшек саудада алкоголь өнімін өткізушілер үшін өзгерістері мен толықтыруларын түсіндіреміз.

Маңғыстау облысы Ақтау қаласында қазақ күресінен 1998-2000 жылдары туылған жастар арасында ҚР чемпионаты өтті. Облыстың аға жаттықтырушысы Болат Кенеев дайындаған Қызылорда облысының құрама командасы байрақты бәсекеде 11 медаль иеленіп, жалпыкомандалық есепте бірінші орынды жеңіп алды.

 Кеше Қызылорда облысы бойынша Қылмыстық атқару жүйесі департаментінде Оралхан Бөкей атындағы көркемсөз оқу шеберлерінің байқауы өтті.

Оңтүстік Кореяның Пхенчхан қаласында өтетін қысқы Олимпиадаға қатысушы ­Элизабет Тұрсынбаеваны қолдау мақсатында «Мұз айдынында» облыс мақтаныштары – шайбалы хоккейшілер, шорт-трекшілер және мәнерлеп сырғанаушылар жиналды.