Сыр бойы

Қазалыда алғаш рет ұйымдастырылған Әйтеке би кенті күні мерекесі орталық алаңдағы флешмобтан басталды. Жалынды жастармен жүздесуінде  аудан әкімі Нажмадин Шамұратов оларға мемлекет тарапынан әрдайым қолдау жасалатындығына, елдің болашағы жастарды жан-жақты демеуде Елбасының өзі айрықша көңіл бөліп отырғанын айтты.

29 қазанда Қармақшы, Жалағаш, Сырдария аудандық мәслихаттарының шығып қалған депутаттарының орнына сайлау өткізіледі. Сайлауды ұйымдастыруға 1 облыстық, 3 аудандық аумақтық, 4 аудандық округтік және 7 учаскелік сайлау комиссиялары қатысады. Дауыс беруге шамамен 12 мыңнан аса сайлаушы атсалысады. Қайта сайлауға қатысты мәлімдемені облыстық сайлау комиссиясының төрағасы Абайбек Жүнісов айтты.

Бүгін Швед академиясы Нобель сыйлығының 2017 жылғы жүлдегерінің есімін жария етеді деп хабарлайды Baq.kz ақпарат агенттігі Нобель қорының баспасөз қызметіне сілтеме жасап.

Халықаралық қарттар күніне орай облыстық ішкі істер департаменті ардагерлердің басын қосып дастархан жайды.Облыс орталығы мен аудандардан арнайы шақырылған ІІД зейнеткерлеріне құрмет көрсетіліп, департамент тарапынан «Құрмет» грамоталары мен «Қазақстан полициясына 25 жыл» естелік төсбелгілері тапсырылды.

Облыс әкімінің орынбасары Қуанышбек Ысқақов шаһардың дамуы мен өркендеуіне үлес қосқан бір топ ардагерлерді төл мерекемен құттықтады. Қала орталығындағы “Гранд плаза” мейрамханасында өткен шара арнайы концерттік бағдарламамен көмкерілді. Жезтаңдай әншілер ән-жырдан шашу шашып, жиналған қауымды думанға бөледі.

Жуырда Сырдария ауданы әкімдігі мен «Мәді-Диуана қожа» қоғамдық қорының бірлесе ұйымдастыруымен «Рухани жаңғыру және діни сана» тақырыбында республикалық ғылыми-тәжірибелік конференция өтті. Шараға абайтанушы, дінтанушы, филолог ғалымдар мен мәдениет қайраткерлері, аудан тұрғындары қатысты.

  Елбасы Нұрсұлтан Әбішұлы Назарбаев ұсынған «100 нақты қадам» Ұлт Жоспарының 61-ші қадамында ет өндірісі мен өңдеуді дамыту үшін стратегиялық инвесторларды тарту, шикізат базасын дамыту және өңделген өнімдерді экспорттау міндеттері алға қойылған болатын.

Ауыл шаруашылығы Қазақстан экономикасының негізгі салаларының бірі жəне қоғамның экономикалық жəне қоғамдық-саяси тұрақтылығын анықтайтын факторы болып табылады.

 Халыққа арнаған биылғы Жолдауында Елбасы Нұрсұлтан Әбішұлы Назарбаев бизнес ортаны түбегейлі жақсарту және кеңейту бойынша біршама міндеттер қойды. Соның бірі – шағын және орта бизнестің ішкі жалпы өнімдегі үлесін 2050 жылға дейін кем дегенде 50 пайыз болуын қамтамасыз ету. Оған қол жеткізу үшін бүгіннен бастап саланы серпілтер тың бастамаларды қолға алуға тиіспіз.

Қазақстан Республикасы Ішкі істер министрлігі Төтенше жағдайлар комитеті Көкшетау техникалық институтының 4-курс курсанттары Қызылорда облысы ТЖД Өрт сөндіру және авариялық-құтқару жұмыстары қызметінің өрт сөндіру бөлімдерінде іс-тәжірибеден өтті. Тәжірибенің соңғы күні курсанттар өрт сөндірушілердің шынайы қызметі туралы өз әсерімен бөлісті.