Сыр бойы

Мұнай-газ кешені қызметкерлерінің күні және Құмкөл кешенінің игерілуінің 30 жылдығына орай Н.Бекежанов атындағы музыкалық драма театрында облыс әкімі Қырымбек Көшербаевтың қатысуымен мерекелік шара өтті. Салтанатты жиында облыс әкімі Құмкөл кенішінің қара алтынына тұңғыш рет тыңнан түрен салған еңбек ардагерлерін, мұнай-газ саласының қызметкерлерін құттықтап, мерейтойлық төсбелгі медалімен марапаттады. 

Елбасы Қазақстан Республикасы тәуелсіздігінің25 жылдығына орай Астана қаласында «Қуатты өңір – қуатты Қазақстан» атты өңірлер күндерін өткізуді тапсырған еді. Осыған сәйкес, Астанада Қызылорда облысының күндері өтуде. Кеше Орталық коммуникациялар қыз­ме­тінде облыс әкімінің орынбасары Руслан Рүстемов, облыстық индус­триялық-инновациялық даму басқармасының басшысы Ринат Сұлтангереев пен облыстық ауыл шаруашылығы басқармасының басшысы Бахыт Жаханов түрлі деңгейдегі БАҚ өкілдеріне арнап брифинг өткізді.

Биылғы жаңа оқу жылында айма­ғымызда 4мектеп ел игілігіне пайда­лануға берілді. Апаттық жағдайдағы мектептерді жою мақсатында облыстық бюджеттен барлығы 5 млрд 44 млн теңге қаралып, бүгінде 12 мектептің құрылысы басталды. Соңғы 4 жылда өңірдің білім саласына бөлінген қаржы 2 есеге артты. Ал осы жылдар аралығында 43 білім беру нысанының құрылысы жүргізіліп, пайдалануға берілді. Қазіргі кезде облыста үш ауысымда оқитын мектеп жоқ екенін мақтанышпен айтуға болады.

Сырбойылық жастар Қызылорда қаласының КБИ мөлтек ауданында тұратын әлеуметтік аз қамтылған жас отбасы Досмағамбетова Рақиманың үйіне әктеу, сырлау, жөндеу жұмыстарын жүргізді.    

Қызылорда облысы кәсіпкерлер палатасының бастамасымен біршама кәсіпкер «Мектепке жол» қайырымдылық акциясына белсене атсалысты.    

Білім күні Қармақшы мектептерінде де алғашқы қоңырау сыңғырлады. Аудан әкімі Сұлтан Мақашов Т.Көмекбаев атындағы №250 мектеп-лицейде болып, жиналған қауымды мерекемен құттықтады.    

Қазалы ауданындағы С.Сейфуллин атындағы №165 мектептегі алғашқы қоңырау мерекесіне аудан әкімі Нажмадин Шамұратов қатысты, - деп хабарлады аудан әкімдігінің баспасөз қызметі.

9-11 қыркүйек аралығында Қызылорда қаласында бокстан Конфедерация кубогының іріктеу кезеңі өтеді.