Сыр бойы

Биылғы ел Тәуелсіздігінің 25 жылдығын ту етіп, Елбасының «Мәңгілік ел» идеясымен қуаттанған, «100 нақты қадам» Ұлт жос­парын дәріптеген республикалық «Мәңгілік Ел» акциясының топ мүшелері сенбі күні Сыр еліне келді. Өңірге табан тіреген «Мәңгілік ел» пойызының топ құрамын облыс әкімінің орынбасары Ғалым Әміреев бастаған сырбойылықтар сән-салтанатпен қарсы алды. Теміржол вокзалында облыс әкімінің орынбасары Ғ.Әміреев делегация мүшелеріне сәттілік тілеп, «Мәңгілік ел» жолындағы дамуымыздың жедел, келешегіміздің кемел болуына тілектестігін білдірді. Ал топ жетекшісі Әміржан Әлпейісов бастаған топ мүшелері қала тұрғындарына шараның мән-мағынасы мен маңызын түсіндіріп берді.

Бүгін қайта жаңғыртудан өткізілген облыстық тарихи-өлкетану музейінің жаңа экспозициясының ашылу рәсімі өтті. Шараға аймақ басшысы, жергілікті қылқалам және қолөнер шеберлері, зиялы қауым өкілдері қатысты.

Еуроодақ пен Ресей ынтымақтастығының тарихында алғаш рет Марстағы тіршілікті зерттейтін ЕxoМars-2016-ны (ЭкзоМарс-2016) алып «Протон-М» зымыран тасушысы Байқоңырдан ұшырылды, деп хабарлады ресейлік «РИА Новости» агенттігі.

Кеше Н.Бекежанов атындағы Қызылорда облыстық драма театрында №10 қазақ-түрік лицейі оқушылары жетістіктерінің «Білім және денсаулық» көрмесі өтті.

«Халыққа қызмет көрсету орталығы» РМК Қызылорда облысы бойынша филиалы Сырдария аудандық бөлімінің ұжымы Н.Ілиясов ауылының тұрғыны 100 жастағы Балшай Махамбетоваға жеке куәлігін табыстады. Бұл туралы қалалық әкімдіктің баспасөз қызметі хабарлады.

Қазақстан Республикасы Тәуелсіздігінің 25 жылдық мерейтойына орай жасақталған «Мәңгілік ел» пойызы Қазалы ауданына келіп тоқтады. Қазалы жұрты теміржол вокзалында пойызды ерекше салтанатпен қарсы алды. Қонақтарды күтіп алу салтанатында аудан әкімі Нажмадин Шамұратов: "«Мәңгілік ел» пойызының ауданымызда болуы - біз үшін үлкен мәртебе. Сондықтан, бүгінгі сапарларыңызға сәттілік тілеймін!" - деді.

Облыстық жұқпалы аурулар ауруханасы мен №2 балаларды оңалту орталығына RIXOS BOROVOЕ және «Асыл Мирас» жеке қайырымдылық қоры медициналық жабдық табыстады. Шараға облыс әкімінің орынбасары Рауан Кенжеханұлы, қала әкімі Нұрлыбек Нәлібаев, қайырымдылық қорының директоры Марат Айтмағамбетов қатысты.

Теміржол вокзалының алды таңсәріден жұртшылыққа лық толды. Аумақты алаңға жиналғандардың жүзінен мерекелік көңіл күй аңғарылады. Көкбайрағымызды асқақтата көтерген нар тұлғалы жігіттер, қолдарына шар, жалауша ұстаған жастар, көктемгі қызғалдақтай құлпырған қырмызы қыздар айтулы шараның жақын қалғанын сездіргендей. Міне, тағатсыздана тосқан сәт те келіп жетті. Қабырғасына айшықты әріптермен «Мәңгілік ел» деп жазылған пойыз ортаға жеңіл сырғып тоқтады. Шалқыған әуен құйқылжыта төгілген еді. Қадірменді қонақтарды ақ кимешекті әжелер қауымы ұлттық дәстүрімізге сай шашу шашып қарсы алды.

Елбасының Сыр еліне келген сапарында Демесовтер отбасы көптен күткен пәтеріне қол жеткізіп, жаңа қоныстың алғашқы қонағы етіп Нұрсұлтан Әбішұлын қарсы алған еді. Құтты шаңырақтың дастарханынан дәм татқан Мемлекет басшысы Шалқар мен Айзадаға ақ батасын берген болатын.