Сыр бойы

Өткен жексенбіде футболдан ел біріншілігі мәресіне жетті. Қызылорданың "Қайсары” доп додасын бесінші орынмен аяқтады. Футбол маусымының аяқталуына орай Н.Бекежанов атындағы драма театрда команда басшылары мен ойыншыларына құрмет көрсетілді. Бұл шараға облыс әкімі Қырымбек Көшербаев қатысты.

Жыл сайын дүниежүзінде 1 миллионнан астам адам жол-көлік апаты салдарынан көз жұмып, тағы милионнан астамы  мүгедектікке алып келетін әр түрлі деңгейдегі дене жарақаттарын алып жатқаны белгілі. Қазақстанда жыл сайын 3000-нан астам адам қаза тауып, тағы 17 мыңға жуығы – жарақат алады екен. Оның ішінде жастардың және кәмелет жасына жетпеген бүлдіршіндердің қаза табуы мен жарақат алуы жиі орын алады. 

Бүгін, 10 қарашада Астанада Қызылорда қаласында салынатын тұрмыстық қатты қалдықтарды кәдеге жарату жобасын қаржыландыру мәселесі шешімін тапты. Жобаны жүзеге асыруға байланысты Қызылорда облысының әкімі Қырымбек Көшербаев, Еуропалык қайта құру және Даму банкінің Қазакстан бойынша директоры Джанет Хэкман және Қызылода қаласы әкімінің міндетін атқарушы Нұржан Ахатов үш жақты алдын ала келісімге қол қойды.

Облыстық дене шынықтыру және спорт басқармасы мен облыстық футбол федерациясының ұйымдастыруымен 4-9 қараша аралығында футболдан Қызылорда облысының шеберлер командасының ойыншысы Әбіл Қалымбетовты еске алуға арналған 2002-2003 жылдары туылған жасөспірімдер арасында республикалық турнир аяқталды. Биыл екінші мәрте ұйымдастырылған турнирге Қызылорда қаласы мен аудандардан 9 команда қатысты. 

Еуропалық қайта құру және даму банкі Қазақстан экономикасына 6 млрд. доллардан астам қаржы құйды. Бұл туралы ЕҚҚДБ-ның Қазақстандағы өкілдігінің директоры Джанет Хэкман мәлім етті, деп хабарлайды ҚазАқпарат.

Бүгін елордада Қызылорда облысы мен қаласының әкімдігі және Еуропалық қайта құру және даму банкі арасында Қызылорда қаласында тұрмыстық қатты қалдықтарды кәдеге жарату жобасын қаржыландыру туралы алдын ала келісімге қол қойды.

Бұл туралы Қызылорда облысының әкімі Қ.Көшербаев ҚР Президенті жанындағы Орталық коммуникациялар қызметінде өткен баспасөз мәслихатында мәлімдеді.

Арал ауданында бугін пайдалануға берілген балабақшаның бірі Сартай батырдын есімімен аталатын болды, деп хабарлайды seihun.info.

«Ақниет» бағдарламасы екі жылдан бері Қызылорда облысында жүзеге асып келеді. «ЛУКОЙЛ Оверсиз Сервис Б.В.»  мұнай компаниясы  Қызылорда облысының Сырдария,  Жалағаш,  Қармақшы ауданының ауыл тұрғындарына кәсіп ашу үшін 1 миллион теңгеге дейін грант беру арқылы кәсіпкерлікті дамыту, экология, инновация саласындағы жобаларға қаржылық қолдау көрсету мақсатында қолға алынған бағдарлама.  «2013 жылы 80 кәсіпкер 35,0 млн. тенге жеңіп алған болатын. Қазіргі таңда олардың дені халыққа шаштараз,  наубайхана, балабақша, тігін цехы секілді қажетті қызмет түрлерін көрсетуде. Биыл «Ақниет» бағдарламасының 6 номинациясы бойынша 97 кәсіпкер 46,1 млн. тенге алды. Бұл ауыл тұрғындарын қолдау үшін жасалған бастама», - деді Қызылорда облысының әкімі Қ.Көшербаев ҚР Президенті жанындағы Орталық коммуникациялар қызметінде өткен баспасөз мәслихатында.