Сыр бойы

Тараз қаласында «Темір» спорт клубының 20 жылдығына арналған каратэ-додан ерлер мен әйелдер арасында ел чемпионаты аяқталды. Аталмыш чемпионатқа Астана, Алматы қалалары мен облыс орталықтарынан 150-дей спортшы бақ сынады. Қызылордалық спортшылар аталмыш жарыстан 1 алтын, 1 күміс, 3 қола медальмен оралды, деп хабарлады облыстық дене шынықтыру және спорт басқармасының баспасөз хатшысы Лаура Шоңғалова.  

Алдағы демалыс күндері қалалық әкімдік алдындағы алаңда дәстүрлі ауыл шаруашылығы өнімдерінің жәрмеңкесі өтеді.

Қызылорда облыстық тарихи – өлкетану мұражайы 1890 – 1895 жылдары салынған ерекше сәулет кешенінде, бұрынғы орыс православиелік шіркеуі ғимаратында 1939 жылы ашылған. 1980 жылы облыстық Халық депутаттары кеңесі атқарушы комитетінің шешімімен мұражайға ХХ ғасырдың 50 – жылдарындағы сәулет ескерткіші, екі қабатты ғимарат бөлінген. 1980 – 1985 жылдар арасында мұражай күрделі жөндеу жұмыстары мен жаңа экспозицияның құрылысына жабылған. 1985 жылы 7 мамырда мұражай есігін ашты. 2001 – 2004 жылдарда мұражайға реэкспозиция жасалған. 2011 жылдың қыркүйек – қазан айларында облыстық мұражайдың алдыңғы жағы мен шатырына қайта қалпына келтіру жұмыстары жасалған.

Өткен аптаның сенбісінде облыс әкімі Қырымбек Көшербаев жуырда Оңтүстік Кореяның Инчхон қаласында болған Азия ойындарынан жүлделі оралған қызылордалық спорт саңлақтары – Алмас Өтешов пен оның бапкері Илья Ильин, Қазақстан құрамасы сапында ойын көрсеткен қызылордалық гандболшы қыздардың бапкері Вячеслав Ким және оның шәкірттерін қабылдады.

Қаржылық бақылау ко­мите­тінің Қызылорда облысы бойынша инспекциясымен 2014 жыл­дың 9 айында 209 бақылау объектісінде барлығы 253 тексеру жүргізілген.

Өткен аптаның сенбісінде ұйым­дастырылған Қала күні қарсаңында Ғ.Мұратбаев атындағы орталық стадион алаңында әлеуметтік спорт алаңқайы ашылды. Бұл спорт алаңы паркур, воркаутер, скейтбординг сынды спорттың түрлеріне қызығушылығы бар жастарды қолдау мақсатында салынып отыр.

Кеше облыс әкімі Қырымбек Көшербаевтың төр­аға­лығымен өткен мәжі­лісте қызылмия өсімдігіне қа­тысты өзекті мәселелер талқыланды.

Қызылорда қаласында ауыл шаруашылығы өнімдерінің жәрмеңкесі өтті. Жеті аудан облыс орталығына әкелген әлеуметтік маңызы бар азық-түліктің 53 түрі нарықтағы бағадан 15-20 пайыз арзанға сатылды. Облыс әкімі Қырымбек Көшербаев барлық ауданның жәрмеңкесінде болып, сатушылар және тұтынушылармен жүздесті.

Сыр өңірі бас шаһарының Қала күні мере­кесіне құры­лысшылар лайықты тарту жасады. Аймақтағы белгілі құрылыс компаниялары – «Мұнайқұрылыс», «Сыр құрылысы» және «Интегрострой» серіктестіктерінің «Қол­жетімді баспана-2020», «Жұмыспен қамту-2020» бағдарламалары аясында Сұлтан Бейбарыс көшесінде тұрғызған үш үйі пайдалануға берілді. Атап айтқанда, 60 пәтерлік, 30 пәтерлік және 40 пәтерлік осы үш үйде барлығы 130 отбасы қоныстанды.