Сыр бойы

Шиелі. Ауданда физикадан 45-ші халықаралық олимпиадасы, PISA-2015, TIMSS-2015 халықаралық зерттеулері қарсаңындағы онкүндікте 2014 жылдың 7-17 сәуір аралағында іс-шаралар өткізілді. 

Арал. Қызылорда қаласында өткен ІІІ "Байқоңыр" инвестициялық форумына қатысқан Германия елінің 5 туристік операторлары Бөген ауылына келіп, балықшылардың өмірімен танысты. 

Арал. Аудан орталығындағы спорттық-сауықтыру кешенінде аудандық дене шынықтыру және спорт бөлімі, «Жас Арал өрендері» жастар қоғамдық бірлестігінің ұйымдастыруымен Арал өңірінен шыққан 16 Еңбек Ері атындағы жүлде үшін балалар мен жасөспірімдер арасында таэквондо /WTF/ жекпе-жек түрінен қалааралық дәстүрлі турнир өткізілді. 

Жалағаш. Биылғы жылы балалар мен жасөспірімдердің жазғы демалыспен ұйымдастыру барысы қоғамдық еңбекпен тарту мақсатында білім беру ұйымдарындағы құрылыс-жөндеу және көркейту-көгалдандыру бригадаларына тарту, сыртқы лагерь жұмыстарын ұйымдастыру, мектеп жанындағы күндізгі тынығу лагерлеріне қамту, облыс және облыстан тыс лагерлерге демалуын қамтамасыз ету, туристік саяхатқа жіберу, ата-аналармен демалысын ұйымдастыру шаралары арқылы жүргізіледі.

Жаңақорған. Құттықожалық қайсар қызымыз Ақнұр Сматова бірінші топ мүгедегі болғанмен, өзінің жігерлілігімен көзге түсіп келеді. Кальций жетіспеушілігіне байланысты аяғынан тік тұра алмай, қол арбаға таңылғанына ұзақ жылдар өтті. Аяғына салмақ салса болғаны шытырлап сына береді.