Сыр бойы

Қазақстан Республикасы Президентінің «Әкімдердің халыққа есеп беру кездесулерін өткізу туралы» 2013 жылғы 15 тамыздағы №615 Жарлығына сәйкес, Қызылорда облысының әкімі Қырымбек Елеуұлы Көшербаев 2014 жылғы 19 ақпанда сағат 11.00-де Н.Бекежанов атындағы драма театрда халық алдында есеп береді. 

Облыстың экономикалық және әлеуметтік дамуының басымдықтары, мақсат-міндеттері Елбасының «Қазақстан жолы – 2050: Бір мақсат, бір мүдде, бір болашақ» атты  Жолдауына, сонымен қатар Қызылорда облысының 2020 жылға дейінгі  әлеуметтік-экономикалық даму Стратегиясына сәйкес айқындалған.

Соңғы жылдары облыс экономикасының қарқын ала бастағаны барлық саладан айқын сезіледі. Алдағы жылдармен салыстырғанда өткен жылы Сыр өңірінде құрылыс ерекше қарқын алды. Жүзге жуық әлеуметтік нысанның құрылысы басталып, олардың басым бөлігі өңір тұрғындарының игілігіне берілді.  Айта кетейік, аймақта  осы жылы да қызу қарқын сақталады деп күтілуде. Өйткені, облыстағы әлеуметтік сала және тұрғын үй құрылыстарын жүргізуге биыл да қомақты қаражат қаралып отыр.

Шиелі. Аудандағы Ы.Жақаев атындағы күріш өсіру мұражайының директоры Құттықыз Ыханова мәдениет саласына сіңірген еңбегі үшін Қазақстан Республикасы Мәдениет және ақпарат министрлігінің "Мәдениет саласының үздігі" төс белгісімен марапатталды.

Шиелі. Баға тұрақтылығына байланысты қазіргі таңға 3 жеке кәсіпкермен меморандум жасалды. Бүгінде ауданымызда ұнның 8 күндік, күріштің 2 айлық, картоптың 1,5 айлық қоры бар". Аудан әкімдігі баспасөз қызметі аудандық ауылшаруашылығы бөлімінің басшысы Жақсылық Әлиевке сілтеме жасап осылайша мәлім етті.

Жақында Атырау қаласында  дзюдодан 1997-1998 жылдары өмірге келген жасөспірім ұлдар мен қыздар арасында ел біріншілігі өтті. Оған Астана, Алматы қалалары мен  барлық облыстан 639 спортшы қатысты. 

Қармақшы. «Ақниет» бағдарламасы бойынша Ақтөбе ауылынан наубайхана ашқан көп балалы ана Әйткенова Мариямкүл қайтарымсыз 500 мың теңге көлемiнде грант жеңiп алған кәсiпкер.

Қазақстандық жанкүйерлер үшін Олимпиаданың кезекті күні шорт-трек жарыстарынан басталады, деп хабарлайды «ҚазАқпарат» тілшісі.

Жалағаш. Өткен жылы ауданның әлеуметтік-экономикалық дамуында оң өзгерістер орын алды. Өнеркәсіп өнімдерін өндіруші мекемелер мен кәсіпорындар және жеке секторлары 2013 жылы 1449,8 млн теңгені құрады.