Сыр бойы

Кеше Қызылордадағы "Бастау” бизнес орталығында ІІ "Байқоңыр” инвестициялық форумы басталды. Форумда өңірдегі металлургия, энергетика салаларын, көлік логистикасын, кен өндіру саласындағы аутсорсингті, құрылыс индустриясы мен балық шаруашылығын өркендетудің, сондай-ақ Байқоңыр қаласын дамытудың мүмкіндіктері таныстырылды. Жиын барысында шетелдік және отандық инвесторлар, жаңа бизнес-әріптестер іздеуге, мемлекеттік органдар өкілдерімен емін-еркін диалогқа кең жол ашылып, аймақтағы кіші және орта кәсіпкерлік саласына мемлекет тарапынан көрсетілген қолдау, облыстың инвестициялық имиджін көтеру және туризмді дамыту мәселелері сөз болды.

Аптаның сейсенбісі күні ҚР Қоршаған ортаны қорғау және су ресурстары министрі Нұрлан Қаппаров облысымыздың оңтүстігіндегі аудандарда болып, бірқатар өндіріс орындарының жұмысымен танысты. Мәртебелі мейманды облыс әкімі Қырымбек Көшербаев бастап жүрді және де ҚР Индустрия және жаңа технология министрлігінің вице-министрі Нұрлан Сауранбаев бірге болды.

Қызылорда.  Қалада үстіміздегі жылы «Бизнестің жол картасы-2020» бағдарламасы аясында 26 жоба жүзеге асырылуда. Бағдарлама аясында жалпы құны 4,9 млрд.теңгені құрайтын 26 жоба жүзеге асырылып, жаңадан 889 жұмыс орындары ашылды.

Қызылорда. Қалалық ішкі саясат бөлімінің мемлекеттік әлеуметтік тапсырысы аясында «Самұрық» инновациялық идеяларды дамыту орталығы» қоғамдық қоры үстіміздегі жылдың маусым айынан бастап «Қалада аула клубтарының қызметін ұйымдастыру» әлеуметтік қызметін жүзеге асыруда.

Қызылорда.Үстіміздегі жылдың 10 айында облыс көлемінде 390 өрт оқиғасы тіркеліп, өрттен  келген материалдық шығын 260 млн. теңгеден асты. Облыстық төтенше жағдайлар департаменті баспасөз қызметінің хабарлауынша, аталған оқиғалар салдарынан 6 адам қаза болып, 14 адам жарақат алған.

Қараша айының 12-ші жұлдызында таңғы сағат 4-тен 40 минут кеткен шамада облыс орталығының "Ақмешіт" мөлтек ауданындағы "Гелиос" май құю бекетінің кассирі И.Н. қапияда көз жұмды. 

Қазақстан Президенті Нұрсұлтан Назарбаев Қазақстан мен Ресей өңіраралық ынтымақтастығы X форумы аясында Ресей Федерациясы Президенті Владимир Путинмен кездесті.

Жарты ғасыр бұрын Жер шарынан тұңғыш рет адам баласы зеңгір көкке бет түзеген зымыранға аяқ артты. Бұл күн қазір алып ғаламшардағы айтулы оқиғаның біріне айналды. Ғалымдар ғарыш айлағы жер кіндігіне орын тепкен дейді. Осындайда әйгілі Қорқыт бабамыз жайлы айтылатын әпсаналар еске түсетіні айдан анық. Абыз бабамыз жайында айтылатын аңыздарда ол жайында егжей-тегжейлі баян етіледі. Әрине, сол бір ғасырларда абыз бабамыз өзі өмір кешкен аймақтың адамзаттың ортақ игілігі болатынын білген жоқ.

15 қараша–төл теңгеміздің алғаш айналымға енген күні. Ал 1997 жылғы 13 қарашадағы Президент Жарлығымен бұл күн– Ұлттық валюта күні, еліміздегі қаржы жүйесі қызметкерлерінің кәсіби мерекесі болып жарияланды. Биыл ұлттық валютамыз-теңгенің айналысқа енгізілгеніне 20 жыл толып отыр. Жиырма жыл ішінде өңірдің қаржы саласының қызметкерлері де ел экономикасының темірқазығы саналатын теңгенің тұрақтануына елеулі үлес қосты. Студенттер сарайында өткен мерекелік жиында толағай табысқа жеткен сала ардагерлері ұлықталып, оларға құрмет көрсетілді. Салтанатты шараға облыс әкімінің орынбасары Наталья Годунова қатысты.