Сыр бойы

Қызылорда. Қалалық ішкі саясат бөлімінің мемлекеттік әлеуметтік тапсырысы аясында «Самұрық» инновациялық идеяларды дамыту орталығы» қоғамдық қоры үстіміздегі жылдың маусым айынан бастап «Қалада аула клубтарының қызметін ұйымдастыру» әлеуметтік қызметін жүзеге асыруда. 

Әлеуметтік қызметті жүзеге асыруға 2 млн. 844 мың теңге бөлінді.  Есепті кезеңде қаладағы «Достық», «Шаттық», «Самғау», «Жұлдыз» аула клубтарында 31 спорттық, шығармашылық, мәдени-көпшілік бағыттағы іс-шаралар ұйымдастырылды. Жоба аясында қала орталығында жаңадан 4 аула клубы ашылды. Атап айтар болсақ, «Титов» мөлтек ауданында «Шаттық», «Ақмешіт» мөлтек ауданында «Самғау», «1001 ұсақ-түйек» мөлтек ауданында «Достық» және «Тасбөгет» кентінде «Жұлдыз» аула клубтары тұсауын кескен. Аталмыш аула клуб мүшелерінің арасында салауатты өмір салтын насихаттау және бұқаралық спортты дамыту мақсатында спорттық бағытта түрлі 25 жарыс (шағын-футбол, шахмат, тоғызқұмалақ, дойбы) өткізілді. «Менің – аула клубым»,  «Астана – бала көзімен», «Жастар – салауатты өмір үшін», «EXPO - 2017», «Менің Қазақстаным»,  «Тұғыры биік - Астана», «Атамекен» тақырыптарында жас суретшілердің 8 көрмесі сонымен қатар, қазіргі заман биі бағыты бойынша 6 би байқауы ұйымдастырылды.