Сыр бойы

Әйгілі Алаш зиялысы Міржақып Дулатов  “Қайтсек жұрт боламыз?” деген мақала жазып, “Жауап біреу-ақ, әскеріміз болса ғана жұрт боламыз” деп кесіп айтқан болатын. Осы орайда Қазақстан Президенті – Қарулы Күштердің Жоғарғы Бас Қолбасшысы Нұрсұлтан Назарбаевтың басшылығымен еліміздің Қарулы Күштері құрылып, уақыт талабына сай қарқынды дамып, әлеуетін арттыра түскенін ерекше атап өтуіміз керек.Тәуелсіздіктің көк туы берік қолда. Жаңа буын өсіп, Отанын қорғайтын азаматқа айналды. Олардың бойына да, ойына да адал қасиеттерді дарыту – қоғам міндеті, біздің парызымыз.

 Қос мереке қарсаңында об­лыстық жастар саясаты мәселелері басқармасы мен “Жас Отан” Жас­тар қанаты, “Ар­дагерлерді ар­дақтайық” ерік­ті­лер тобының ұйым­дас­тыруымен ҰОС  және тыл арда­герлерімен кездесу болып өтті. Шараға Ауған соғысы, Чернобыль апатын жоюшылар, “Невада-Семей” қозғалысының төрағалары мен ерікті жастар қатысты.

Қызылорда облысы бойынша Қылмыстық-атқару жүйесі департаментінің мәжіліс залында ҚАЖ ардагерлері, департамент басшылығы және жеке құрамның қатысуымен  Отан қорғаушылар күніне арналған салтанатты шара өтті. Салтанатты шара  ҚР Әнұранымен ашылып, Қазақстан Республикасы Ішкі істер министрі полиция генерал-полковнигі Қ.Қасымовтың  құттықтау жеделхаты оқылды. 

Бүгін «Ақмешіт» музей филиалында Жеңіс күніне орай «Сыр бойы сұрапыл соғыс жылдарында» атты  фотокөрме ұйымдастырылды. 

Бүгін №101 мектеп-лицейінде мектеп ұстаздары мен жоғары сынып оқушыларының қатысуымен «Мемлекеттік қызмет істері жөніндегі органдардың 20 жылдық қалыптасуы» тақырыбында оқу сағаты болып өтті. Шараның мақсаты ұстаздар мен оқушыларға сыбайлас жемқорлыққа қарсы күрес туралы заңнаманың негізгі ережелерін, сондай-ақ оларды қалыптастыру мен дамытудың негізгі кезеңдерін жария ету.Оқушылар мен ұстаздарға сыбайлас жемқорлыққа байланысты құқық бұзушылық және оған қарсы күрестің негізгі принциптері жайлы, жалпы  ережесі мен қағидасы туралы түсіндіру жұмыстары жүргізілді.

Қызылорда облысының Жастар саясаты мәселелері басқармасының» қолдауымен «Сыр елі және ХХІ ғасыр» ҚҚ-ның ұйымдастыруымен  Елбасының «Болашаққа бағдар: рухани жаңғыру» атты бағдарламалық мақаласының аясында «Тарих толқынында» атты облыстық тарихи-өлкетану музейіне танымдық экскурсия ұйымдастырылды.

Бүгін Отан қорғаушылар мерекесіне орай аудан орталығындағы "Құрметті азаматтар" аллеясында салтанатты іс-шара өтті.

Бүгін аудандық орталық стадионда мектеп оқушылары арасында аудандық Қорғаныс істері жөніндегі және аудандық білім бөлімінің бірлесе ұйымдастыруымен жастарды отансүйгіштікке, патриотизмге және бауырмалдыққа баулу мақсатында және 7-мамыр Отан қорғаушылар, сонымен бірге 9 -мамыр Ұлы Жеңіс күні мерекесіне орай «Айбын» халықаралық әскери спорттық жиынына іріктеу кезеңі өтті.Жарыс барысында оған қатысушылар автоматты шашып, оны қайта жинау, 1000 метр қашықтыққа жүгіру, арқан тарту, винтовкамен ату және басқа да әскери спорт түрлері бойынша сайысқа түсті.Тартысты да қызықты сәттерімен айшықталған жарыс қорытындысында аудандық Қорғаныс істер жөніндегі бөлім бастығы, подполковник Назық Қайырлапов жарысқа қатысушыларды Отан қорғаушылар күні мерекесімен құттықтап, жарыс жеңімпаздары мен жүлдегерлеріне грамоталар тапсырды.

Балалардың қатысуымен болатын жол-көлік оқиғаларының алдын алу мақсатында ағымдағы жылдың 1-31 мамыр аралығында «Балалардың жолдағы қауіпсіздігі» атты жедел-профилактикалық шарасы өтуде. Бұл туралы Өңірлік коммуникациялар қызметінде өткен баспасөз конференциясында жергілікті полиция қызметінің бөлімше бастығы Аукенов Айбол Серікұлы баяндады.

Экологиялық өмір салтын қалыптастыру - маңызды міндет. Ішкі саясат басқармасының мемлекеттік тапсырысы аясында «Туған жер» қоғамдық қозғалысы» қауымдастығы «Біз таза қалада өмір сүруді таңдаймыз!» тақырыбында акция өткізді. Мақсаты - қаланы көркейту жұмыстарын арттыру, тұрғындардың экологиялық өмір салтын сақтап, өзі тұратын жерді қадірлеуіне, таза ұстауына үндеу, қоршаған ортаға деген қамқорлықты еселеу.